Kwan 4:15 - MUMA MALER 2015

¹⁵ Pile ka kambi dar, to joka Kohath nyaka bi mondo oting’ Hema Maler kod gige duto. To kik gibi ka pok Harun gi yawuote otieko umogi, bende kik gimul gimoro amora maler, nono to githo. Mago duto gin gik Hemb Romo ma joka Kohath ema ting’o.

Motingʼo Loko Manyien

¹⁵ “Bangʼ ka Harun gi yawuote osetieko umo gik maler mitiyogo kod gik maler duto mamoko, kendo ka kambi oseikore mar wuok, to jo-Kohath koro nyaka bi mondo oti tij tingʼo. Kik gimul gik maler, nimar ka gitimo kamano to ginitho. Jo-Kohath nyaka tingʼ gigo mantiere ei Hemb Romo.

Kwan 4:15 ပူးပေါင်းရင်းမြစ်များ

2 Samuel 15:24

Abiathar gi Zadok bende nobiro, kaachiel gi jo-Lawi duto koting’o Sandug Muma mar Nyasaye. Ne giyieyo Sanduk mar Nyasaye piny nyaka ji duto mane wuok Jerusalem okadho.

2 Samuel 6:13

Kane joma oting’o Sanduk mar Ruoth Nyasaye osewuotho ondamo auchiel, Daudi notimo misango gi rwath kod im machwe.

1 Ruodhi 8:3

Kane jodong Israel duto osebiro, jodolo noting’o Sandug Muma.

1 Weche mag Ndalo 15:15

Jo-Lawi noting’o Sanduk mar Nyasaye e gokgi gi ludhe, koluwore gi wach Nyasaye kaka Musa nochiko.

1 Weche mag Ndalo 15:2

Eka nochiko ni onge ng’at moro ma nyalo ting’o Sanduk mar Nyasaye mak mana jo-Lawi kende nimar gin ema ne Nyasaye oyierogi mondo giting’e, kendo gitine nyaka chieng’.

1 Weche mag Ndalo 23:26

Omiyo koro jo-Lawi ok onego oting’ Sanduk kata gik lemo moko mitiyogo kode.”

Wuok 19:12

Nyaka iket tong’ molworo got, kendo iwach ni ji niya, ‘Neuru ni ok uidho got, kata mana nyono tike. Ka ng’ato omulo got, to nyaka nege.

Wuok 19:21

Nowacho ni Musa niya, “Lor idhi isiem ji dipo ka gikadho tong’ mondo gibi ginena, nono to gibiro tho mang’eny.

Wuok 27:7

Norwakgi e ratege man e bath kendo koni gi koni, mondo oting’ego.

Tim jo-Lawi 16:13

Eka nool ubani e majno e nyim Ruoth Nyasaye mondo ich ubani oim Sandug Rapar, mondo kik otho.

Kwan 1:50

to iketgi e tich rito Hema Maler gi gige duto. Gin kende ema ginibed jorit Hema Maler, kendo ginigur hembegi molwore koni gi koni.

Kwan 1:51

Ka Hema Maler dhi kamoro, to jo-Lawi ema nopudhe, kendo kochopo kama gidhiye, to gin ema onego gigure. Ka ng’ato ang’ata ma ok owal ni tijno osudo but Hema Maler, to nyaka nege.

Kwan 10:21

Joka Kohath ma joting’ gik maler ema nowuok bang’ jogo, to kane gichopo kama onego gurie kambi, ne giyudo ka osegur Hema Maler.

Kwan 18:3

Ginibed ka gikonyou, mi gitiek tije duto mag Hema, to kik gisud machiegni gi gik maler, kata gi kendo-mar-misango, nono to githo kaachiel gi un bende.

Kwan 3:38

To mogik, Musa gi Harun kod joka Harun noket e nyim Hema Maler yo wuok chieng’ mar Hemb Romo. Gin ema ne omigi tich rito Kama Ler ni jo-Israel, to ng’ato ang’ata ma ok jadolo mane nyalo sudo machiegni nyaka ne negi.

Kwan 4:14

Eka giniket kuome gik moko duto mitiyogo e tich dolo, kaka tep mach gi rachwow gi rajow gi tewni kod gik moko duto mag kendo mar misango. Giniume gi piende monyong’, kendo ginirwakne ludhe miting’ego.

Kwan 4:19

to nyisgiuru ni ka gisudo machiegni gi gik maler, to gima onego tim mondo kik githo e ma: Harun gi yawuote ema nyaka donji mondo omi ng’ato ka ng’ato tije kod gima onego ng’atno ting’

Kwan 4:20

to joka Kohath kik donj, nikech dipo ka gigoyo wang’gi kuom gik maler, mi githo.”

Kwan 7:9

To joka Kohath ne ok omiyo gimoro, nikech tich mane omigi ne mar ting’o gik maler, mane nyaka ting’ mana e gokgi.

Rapar mar Chik 31:9

Musa nondiko chikno momiyo jodolo ma jo-Lawi mane ting’o Sandug Muma mar Ruoth Nyasaye, kod jodong Israel duto.

Joshua 4:10

Jodolo ma noting’o Sandug Muma nochung’ achung’a e dier Jordan nyaka ji notieko timo gik moko duto mane Ruoth Nyasaye ochiko Joshua mondo gitim. Ji nokadho piyopiyo,

1 Samuel 6:19

To jo-Beth-shemesh moko nong’iyo i Sanduk mar Ruoth Nyasaye, omiyo Ruoth Nyasaye nonego ji piero abiriyo kuomgi, mi ji noywak nikech kum malit mane Ruoth Nyasaye okelonigi kamano.