Kwan 36:7 - MUMA MALER 2015

⁷ Onge lop ja-Israel moro amora ma nowuog e dhoodgi, kimiyo dhoot machielo, to ng’ato ka ng’ato e Israel nyaka sik mana gi lop wuon mare.

Motingʼo Loko Manyien

⁷ Onge pok mar Israel maa e dhoodni to dhi e dhoot machielo, nimar ja-Israel moro ka moro norit lowo mane oyudo koa kuom kwerene.

Kwan 36:7 ပူးပေါင်းရင်းမြစ်များ

1 Ruodhi 21:3

To Naboth nodwoko Ahab niya, “Mano kuero! Ok anyal miyi mwandu kwerena.”

Kwan 36:8

Nyar Israel moro amora ma opogne lop wuon mare nyaka kendi mana e dhoodgi. Kamano ng’ato ka ng’ato e Israel nosik e lop kwerene.

Kwan 36:9

Onge lowo ma noa e dhoot moro kimiyo dhoot machielo, to dhoot ka dhoot nosik gi lope.”

Joshua 24:28

Eka Joshua nomiyogi thuolo, kendo ng’ato ka ng’ato nodok kar dakne e lowo mopogne.

1 Samuel 26:19

Koro yie iwinj wachna. Kapo ni Ruoth Nyasaye ema othuwi koda, to mondo oyie kawo misango. To ka ji ema othuwi koda, to mondo okuong’gi e nying Ruoth Nyasaye, nikech gisegola tinende ni kik abed e oganda mar jo-Ruoth Nyasaye, kendo giseriemba mondo adhi ati ni nyiseche mamoko.