Kwan 35:8 - MUMA MALER 2015

⁸ Ka uyiero miergo e piny jo-Israel duto, to ukaw mier mang’eny kuom dhoudi matindo. Dhoot ka dhoot nomi jo-Lawi mier maromre gi lowo mane opogne.”

Motingʼo Loko Manyien

⁸ Mier ma umiyo jo-Lawi koa kuom piny ma jo-Israel okawo kaka pok margi nyaka pog matindo tindo kaka pok mar dhoot ka dhoot: Kawuru mier mangʼeny kuom dhoot man-gi mangʼeny, to kawuru manok kuom jogo man-gi manok.”

Kwan 35:8 ပူးပေါင်းရင်းမြစ်များ

Chakruok 49:7

Okuong’ mirimbgi, nimar en mirima mager kendo makwiny! Anakegi e piny Jakobo duto, e kind jo-Israel.

2 Weche mag Ndalo 11:14

Jo-Lawi noweyo lopgi gi mwandugi, mi gidhi Juda gi Jerusalem, nikech Jeroboam gi yawuote noriembogi e tich dolo mar Ruoth Nyasaye.

Wuok 16:18

To kane gipimogi e ondweto, ne giyudo ni joma nochoko mang’eny ne ok nigi mathoth mohingogi, bende joma nochoko manok ne ok nigi matin moremogi to ng’ato ka ng’ato nosechoko mana morome.

Tim jo-Lawi 25:32

Jo-Lawi to nobed gi thuolo mochwere mar waro udi manie miechgi.

Kwan 26:54

Oganda maduong’ inimi lowo maduong’, to oganda matin nimi matin. Oganda ka oganda nopogne lowo maromre gi kar romb joma ondik nyinggi.

Kwan 33:54

Nyaka upoge gi ombulu e kind dhoutu, mondo dhoot ka dhoot oyud lope. Dhoot maduong’ nyaka yud lowo maduong’ to dhoot matin nyaka yud matin. Pognigiuru mana kaka ombulu owacho, ka dhoot ka dhoot kendo joot ka joot yudo lopgi.

Kwan 35:9

Ruoth Nyasaye nowacho ni Musa