Kwan 35:34 - MUMA MALER 2015

³⁴ Kik uchid pinyu mudakie, kendo ma an bende adakie, nimar an Ruoth Nyasaye adak e kind jo-Israel.”

Motingʼo Loko Manyien

³⁴ Kik udwany piny mudakie gi remo kod kama adakie, nimar an, Jehova Nyasaye, adak e kind jo-Israel.’ ”

Kwan 35:34 ပူးပေါင်းရင်းမြစ်များ

1 Ruodhi 6:13

Anadag kod joga Israel, mak aweyogi ngang’.”

Zaburi 132:14

Nowacho niya, “Kanyo ema nobed kar yueyona nyaka chieng’. Adier, kanyo ema adwaro dakie.

Zaburi 135:21

Pakuru Ruoth Nyasaye Sayun. Ee, dendeuru e dalane Jerusalem. Yaye, pakuru Ruoth Nyasaye!

Wuok 25:8

Bang’ mano gigerna Kama Ler mondo adag kodgi.

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Isaya 8:12

Gik ma jogi luongo ni ler, kik iluong ni ler. Bende gik ma giluoro kik iluor, kata kik goyi kibaji.

Jeremia 16:18

Abiro miyo gichul nyadiriyo kuom richogi gi timbegi mamono. Gisedwanyo pinya gi nyisechegi maonge gi ngima mana ka ringre joma otho, kendo gisepong’o piny gi nyisechegi mamono gogo.”

Ezekiel 35:10

“Ne uwacho ni ogendini ariyo ma Juda gi Israel, kaachiel gi pinjegi gin mau, kendo ni ubiro kawogi, kata obedo ni an Ruoth Nyasaye e Nyasachgi.

Hosea 9:3

Jo-Israel ok nodong’ e piny Ruoth Nyasaye, to ginidog Misri, kata ginidhi Asuria kuma ginichamie chiemo mamiyo gibedo mogak.

Kwan 16:3

Ne giriwore giduto ni Musa gi Harun, mi giwachonigi niya, “Marang’o uhedhoru moloyo, to ng’ato ka ng’ato kuom oganda jo-Israel owal ni Ruoth Nyasaye, kendo Ruoth Nyasaye ni kodgi giduto. Ere gima omiyo ukaworu moloyo jo Ruoth Nyasaye duto?”

Kwan 5:3

Nyaka uketgi gidag oko mar kambi, bed ni gin chwo kata mon, mondo kik gidwany kambeu, kuonde ma adake kodu.”

Rapar mar Chik 21:23

to ringreno kik we kanyo otienono duto. Nyaka yike chieng’ onogo, mondo kik uketh piny ma Ruoth Nyasaye ma Nyasachu biro miyou ka mwanduu, nikech ng’at molier e yath okuong’ e nyim Nyasaye.

Rapar mar Chik 21:8

A Ruoth Nyasaye, yie iwe richo mag jogi Israel ma isewaro, kendo kik iyie mondo remo ma onge gi ketho mien-gi.’ Kamano ginipwodhre kuom richo mar chuero remono.

Rapar mar Chik 6:15

nikech kuluwogi, to Ruoth Nyasaye modak e dieru biro kecho kodu ahinya mi dotieku e wang’ piny, nimar Ruoth Nyasaye ma Nyasachu en Nyasaye ma janyiego.

Fweny 21:27

To gimoro amora ma ok ler, kata ng’at matimo gik mamono, kata mariambo, ok nodonjie ngang’ to mak mana jogo ma nyinggi ondiki e kitap Nyarombo mar ngima.

Fweny 21:3

Ne awinjo dwol maduong’ moa e kom maduong’ kawacho niya, “Koro Nyasaye osebiro dak gi ji! Obiro dak kodgi kendo ginibed joge. Nyasaye owuon biro bet kodgi, mi obed Nyasachgi.