Kwan 35:30 - MUMA MALER 2015

³⁰ “Ng’at moneko nyaka ng’adne buch tho mana kuom dho joneno. To wach janeno achiel kende ok oromo ng’ado ni ng’ato buch tho.

Motingʼo Loko Manyien

³⁰ “ ‘Ngʼato angʼata ma onego ngʼato nyaka negi kaka janek mana ka nitie joneno manyalo wacho ni notimore kamano. To onge ngʼama inyalo negi kuom wach janeno achiel kende.

Kwan 35:30 ပူးပေါင်းရင်းမြစ်များ

Wuok 21:12

“Ngato ka ng’ato mogoyo wadgi monego, en bende nonege.

Tim jo-Lawi 24:17

“Ka ng’ato ogoyo wadgi monego, to en bende nyaka nege.

Kwan 35:16

“Ka ng’ato ogoyo wadgi gi gima olos gi nyinyo, mi otho, to ng’at mogoyeno doko janek, omiyo nyaka nege.

Kwan 35:31

Kik uyie janek mong’adne buch tho warre, to nyaka nege.

Mathayo 18:16

To ka otamore winji, to dog ire gi ji ariyo kata ng’at achiel, ‘mondo weche duto ong’ere malongo’ e nyim joneno adek kata ariyo’, kaka muma wacho.

Johana 7:51

“Donge Chikwa okwer ni kik ng’ad ni ng’ato bura ka pok oyale, mi owinj wechene?”

2 Jo-Korintho 13:1

Koro abiro iru e limbena mar adek. Muma wacho ni weche duto nyaka ng’ere e nyim joneno adek kata ariyo.

Rapar mar Chik 19:15

“Wach janeno achiel kende ok nyal mi ng’ad ni ng’ato bura kuom ketho moro, kata kuom richo moro, to wach nyaka ng’ere malong’o e nyim joneno ariyo kata adek.

Rapar mar Chik 27:24

“ ‘Okuong’ ng’at mogoyo wadgi ling’ling’.

1 Timotheo 5:19

Kik iyie giwach ma odonjnigo jaduong’ kanyakla mar jo-Kristo moro, kaonge joneno ariyo kata adek.

Jo-Hibrania 10:28

Ja-Yahudi moro amora machayo Chik Musa to inego ma ok okechi, ka nitie joneno ariyo kata adek manyalo hulo ni otimo kamano.

Fweny 11:3

To abiro miyo jonenona ariyo teko. Ginirwakre gi gunia, kendo ginihul wach moa kuom Nyasaye kuom ndalo alufu achiel gi mia ariyo kod piero auchiel.”