Kwan 35:25 - MUMA MALER 2015

²⁵ Oganda nyaka kony janekno kuom kuor ma owadgi ng’at monegi dochulone, mi gidwoke e dala tony, kuma ne otonyie mokwongo. Enobed kuno nyaka jadolo maduong’ tho.

Motingʼo Loko Manyien

²⁵ Oganda nyaka res janekno kuom owad gi ngʼat monegi mi gidwoke e dala mar tony mane oringo odhiye. Enodag kanyo nyaka chop jadolo mane owir gi mo maler tho.

Kwan 35:25 ပူးပေါင်းရင်းမြစ်များ

2 Samuel 14:14

Waduto wabiro tho, nikech wachalo gi pi mopukore piny, ma ok nyal twom kendo. Kata kamano, Nyasaye ok dwar mondo ng’ato otho, to oloso wach mondo jal moriemb oduog dala.

Wuok 29:7

Eka ikaw mor wir, iol e wiye kiwalego.

Tim jo-Lawi 21:10

Jadolo maduong’ e kind owetene ma en jadolo moseol mo e wiye, mi owal mondo orwak lep dolo, kik we wiye koyuothore, kata kik yiech lawe, konyisogo gi iye owang’.

Tim jo-Lawi 4:3

Ka jadolo maduong’ oketho, mi okelo chola kuom jo-Isarel, to nyaka ochiw ni Ruoth Nyasaye nyarwath maonge songa mondo otimgo misango mar golo richo, kopwodhogo ketho ma osetimono.

Tim jo-Lawi 8:12

Noolo mo moko ewi Harun, mi owire, kokete e tich dolo.

Kwan 35:24

to oganda nyaka yal wachno e kind janek gi owadgi ng’at monegi, kaluwore gi chikegi eki.

Kwan 35:26

To kapo ni chieng’ moro janekno okadho tong’ mar dala tony,

Kwan 35:28

Janek nyaka sik mana e dala tony nyaka jadolo maduong’ tho. Ka jadolo maduong’ osetho, to eka onyalo dok thurgi.

Joshua 20:6

Janekno nodag e dalano nyaka chop yale e nyim oganda, kendo ka jadolo maduong’ e kindeno osetho, eka onyalo dok dalagi, kuma noseringo oaye.”