Kwan 35:19 - MUMA MALER 2015

¹⁹ Owadgi ng’at monegno nyaka neg janekno koyudo mondo ochulne kuor.

Motingʼo Loko Manyien

¹⁹ Owad gi ngʼat monegno noneg janekno; koromo kode to nonege.

Kwan 35:19 ပူးပေါင်းရင်းမြစ်များ

Chakruok 4:14

Iseriemba e nyimi, kendo e lowoni. Anabed jabayo ma onge kama odakie e pinyni, kendo ng’ato ang’ata moyuda nyalo nega.”

2 Samuel 14:11

Dhakono nomedo wacho niya, “Ruoth, akwayi mondo ikuong’rina e nying Ruoth Nyasaye ma Nyasachi, ni jachul kuor kik med ketho, konego wuoda.” Ruoth nodwoke ni, “Gi nying Ruoth Nyasaye, kata yie wi wuodi achiel ok nolwar piny.”

2 Samuel 14:7

To koro joodwa duto okayona, kawacho niya, ‘Gol jal mane onego owadgi, mondo wanege kar owadgino.’ Kuom mano, digineg jacham mwandu bende. Gidwaro lung’o kara duto pep, mak giweyo nying chwora kata kothe e piny.”

2 Samuel 3:27

Kane Abner oduogo Hebron, Joab nobaro kode but rangach, ka gima odwaro wuoyo kode ling’ling’, mi nochwowo bund iye, monege, kochulo kuor nikech remb Asahel owadgi.

2 Samuel 3:30

Kamano e kaka Joab gi Abishai owadgi nonego Abner, nikech en ema nonego Asahel owadgi Joab gi Abishai e lweny Gibeon.

Kwan 35:12

Miergo nobed miech tony, ma ng’at moneko nyalo tonyie koringo ng’at madwaro chulone kuor, mondo kik nege kapok oyale e nyim oganda.

Kwan 35:18

Kata ka ng’ato nigi gimoro molos gi yien e lwete manyalo neko, mi ogoyogo wadgi motho, to en janek, omiyo nyaka nege.

Kwan 35:20

Ka ng’ato odhiro wadgi goyiem, kata ka odiro gimoro mogoye,

Kwan 35:21

kata kogoye adhong’, motho, to nyaka nege, nikech en janek. Owadgi ng’at monegno nyaka neg janekno, koyude.

Kwan 35:24

to oganda nyaka yal wachno e kind janek gi owadgi ng’at monegi, kaluwore gi chikegi eki.

Kwan 35:27

mi owadgi ng’at mane onego cha oyude monege, to owadgi ng’at mane onegono onge gi ketho.

Rapar mar Chik 19:12

jodong dalagi nyaka or ji moko mondo oome, mi kete e lwet owadgi jal monegono, mondo onege ka chulonego kuor.

Rapar mar Chik 19:6

Ka ok uloso yorego, kata ka miego bor gi kar nek, to ng’at ma dwaro chulo kuor dipo kolawo janek ka pod mirimbe liet, mi ojuke, kendo onege. To chutho, janekno ok owinjore negi, nikech ne ok gimonre gi wadgi mane onegono.

Joshua 20:3

Ng’at moneko kobothne nyalo dhi kuondego mondo opond ni ng’at madwaro chulone kuor.

Joshua 20:5

Ka ng’ato madwaro chulo kuorno oluwe nyaka kuno, to jodalano kik chiwe, to girite, nikech nonego nyawadgi mana kuom both, to ok nikech ne gimonre.

Jong’ad Bura 8:19

Gideon nowachonigi niya, “Ne gin owetena ma yawuot mama. Akuong’ora e nying Nyasaye ni dine uwe negogi, to da ok anegou.”