Kwan 35:12 - MUMA MALER 2015

¹² Miergo nobed miech tony, ma ng’at moneko nyalo tonyie koringo ng’at madwaro chulone kuor, mondo kik nege kapok oyale e nyim oganda.

Motingʼo Loko Manyien

¹² Gibiro bedo mier mag tony kua e nyim ngʼama dwaro chulo kuor, mondo omi ngʼat miparo kuome ni oneko kik negi kapok oyale e nyim oganda.

Kwan 35:12 ပူးပေါင်းရင်းမြစ်များ

2 Samuel 14:7

To koro joodwa duto okayona, kawacho niya, ‘Gol jal mane onego owadgi, mondo wanege kar owadgino.’ Kuom mano, digineg jacham mwandu bende. Gidwaro lung’o kara duto pep, mak giweyo nying chwora kata kothe e piny.”

Kwan 35:13

Ginibed mier auchiel moyier kaka miech tony,

Kwan 35:19

Owadgi ng’at monegno nyaka neg janekno koyudo mondo ochulne kuor.

Rapar mar Chik 19:4

Ng’at moboth monego wadgi ma ok gimonrego ema nyalo ringo dhi kuno mondo ores ngimane.

Rapar mar Chik 19:6

Ka ok uloso yorego, kata ka miego bor gi kar nek, to ng’at ma dwaro chulo kuor dipo kolawo janek ka pod mirimbe liet, mi ojuke, kendo onege. To chutho, janekno ok owinjore negi, nikech ne ok gimonre gi wadgi mane onegono.

Joshua 20:2

ni mondo owach ni jo-Israel kama: “Koro yieruru miechu mag tony mane awacho ni Musa mondo onyisu.

Joshua 20:9

Mago ne gin mier mane ng’at moneko nyalo tonyie. Ne oketgi ni jo-Israel duto, kendo ni jodak mane ni kodgi. Ng’ato ang’ata mane oneko kobothne, ne nyalo ringo kuno, mondo ng’at ma dwaro chulone kuor kik nege, kapok oyale e nyim oganda.