Kwan 34:3 - MUMA MALER 2015

³ pinyu man yo milambo nochakre e thim Zin manie tong’ piny Edom. Tong’u ma yo milambo mogik yo wuok chieng’ nobed giko mar nam Kado.

Motingʼo Loko Manyien

³ “ ‘Pinyu ma yo milambo nochakre e Thim Zin manie tongʼ piny Edom. Tongʼu ma yo milambo mogik yo wuok chiengʼ nochakre e giko mar Nam Chumbi

Kwan 34:3 ပူးပေါင်းရင်းမြစ်များ

Chakruok 14:3

Ruodhi abichgo nosechoko jolwenjgi kanyakla e holo Sidim, ma tinde pi Nam Kado oimo.

Wuok 23:31

Anayar tong’ pinyu, kochakore e Nam Makwar nyak Nam Maduong’ manie tong’ jo-Filistia, kendo kochakore e thim man yo milambo, nyaka aora Yufrate. Anami ulo jopinyno, mi unuriembgi.

Ezekiel 47:13

Ruoth Nyasaye nowacho niya, “Tong’ mag piny midwaro pogo e kind dhout Israel apar gariyo, ka joka Josef to yudo diriyo moloyo dhoudi mamoko, e magi:

Ezekiel 47:8

Ng’atno nowachona niya, “Aorani mol kochomo yo wuokchieng’, kendo omol e holo mar aora Jordan, nyaka e Nam Kado. To kotundo e Nam Kado kuno, to pi namno nodok maliw.

Kwan 13:21

Kamano ne gidhi mi gichengo pinyno chakre thim Zin nyaka Rehob man but kama idonjogo Hamath.

Joshua 1:4

Kuonde duto nobed mau, chakre e thim ma yo milambo, nyaka Lebanon yo nyandwat, kendo koa Yufrate, aora maduong’ man yo wuok chieng’, koluwo piny jo-Hiti, nyaka Nam Mediterenia man yo podho chieng’.

Joshua 3:16

gikanyono pi nochung’ gi yo ka malo, kogingore machiegni gi Adam, dala man but Zarethan. Pi mane mol kochomo nam mar Araba, miluongo ni Nam Kado, noduono chuth, mi jo-Israel nong’ado aora kama omanyore gi Jeriko.