Kwan 33:55 - MUMA MALER 2015

⁵⁵ To ka ok uriembo joma odak e pinyno mondo owenu thuolo, to joma uweyogo nobednu kaka pedo mandhodho wang’u, kendo ka kudho machwowo dendu. Ginibed ka gilaro kodu piny mudakieno,

Motingʼo Loko Manyien

⁵⁵ “ ‘To ka ok uriembo joma odak e pinyno, to joma uweyo modongʼ biro bedonu ka cha bondo e wangʼu kendo ka kudho machwoyo dendu koni gi koni. Ginimiu chandruok e piny ma ubiro dakieno.

Kwan 33:55 ပူးပေါင်းရင်းမြစ်များ

Wuok 23:33

kik uwe gidag e pinyu nimar dipo ka gimiyo uketho e nyima mi ulamo nyisechegi. Mano dilokrenu obadho.”

Ezekiel 28:24

Ruoth Nyasaye nochako owachona niya, “Onge oganda moro modak machiegni mane ojaro Israel, ma nochak olokre ka kudho kata ka pedo ma hinyogi. Kamano jo-Israel nong’e ni an e Ruoth Nyasaye.”

Kwan 33:56

kendo gima naparo timonigi, ema natimnu.”

2 Jo-Korintho 12:7

Emomiyo ne omiya kudho machwowo ringra, ma en jaote mar Satan, mondo omonja kik asungra, kata kik ating’ra malo nikech duong’ miwuoro mar gik mane Nyasaye ofwenyona.

Rapar mar Chik 7:16

Tiekuru ji duto ma Ruoth Nyasaye ma Nyasachu biro chiwo e lwetu. Kik uwegi, to bende kik ulam nyisechegi, nikech kutimo kamano, to mano dibednu obadho.

Rapar mar Chik 7:4

nimar kutimo kamano, to nyigo nolok chuny yawuotu mondo kik lam Ruoth Nyasaye, to olam mana nyiseche mamoko. Mano dimi Ruoth Nyasaye kech kodu, kendo tieku piyopiyo.

Joshua 23:7

Kik utim osiep gi joma odong’ e kindugo, bende kik uluong nying nyisechegi kata kuong’oru gi nyinggi, kata lamogi.

Jong’ad Bura 2:3

Mano emomiyo nawacho ni ok nariemb ogendnigo mondo owenu thuolo, to ginithagu kendo nyisechegi nobednu obadho.”