Kwan 32:29 - MUMA MALER 2015

²⁹ “Ka jo-Gad gi jo-Reuben duto ma jolweny ong’ado aora Jordan kodu mondo oked e nyim Ruoth Nyasaye, mi ukawo pinyno, to nyaka upognigi piny Gilead.

Motingʼo Loko Manyien

²⁹ Nowachonegi niya, “Ka jo-Gad kod jo-Reuben noidh kaachiel kodu Jordan e nyim Jehova Nyasaye, ka ngʼato ka ngʼato omanore mar kedo, to bangʼ ka useloyo piny, to unumigi piny Gilead kaka pok margi.

Kwan 32:29 ပူးပေါင်းရင်းမြစ်များ

Kwan 32:17

Bang’e wanyalo dhi e lweny mondo waked ka watelo ni jo-Israel, nyaka chop gikaw piny ma gidhi dakie. To e kinde ma pod wadhi kedo, mondwa gi nyithindwa nyalo dak e mier mochiel motegno gi ohinga ma jopinyni ok nyal monjogie.

Kwan 32:28

Kuom mano, Musa nochiko Eleazar jadolo gi Joshua wuod Nun kod jodong dhout Israel niya,

Kwan 32:30

To ka ok ging’ado aora mi gidhi e lweny kodu, to upognigi lowo e piny Kanaan.”

Joshua 12:6

Musa jatich Nyasaye kod jo-Israel nonegogi duto, mokawo pinygi. Nomiyo jo-Reuben gi jo-Gad kod jo-Manase konchiel pinyno mondo obed margi.

Joshua 13:11

Noting’o bende piny Gilead kod piny jo-Geshur gi jo-Maakath kod got Hermon duto gi piny Bashan duto nyaka Saleka.

Joshua 14:3

Musa nosepogo ni dhoudi ariyo gi nus kande pinygi loka Jordan, to ne ok opogo ni jo-Lawi piny kaka nopogo ni dhoudi mamoko.

Joshua 18:7

To jo-Lawi ok noyud lowo kaka uyudo, nimar pokgi en bedo jodolo mag Ruoth Nyasaye, kendo jo-Gad gi jo-Reuben gi jo-Manase konchiel bende ok nopognigi nikech giseyudo lopgi loka Jordan mane Musa jatich Ruoth Nyasaye omiyogi.”

Joshua 22:9

Kuom mano, jo-Reuben gi jo-Gad kod jo-Manase konchiel noweyo jo-Israel Shilo e piny Kanaan. Ne gidok Gilead e pinygi, mane Ruoth Nyasaye osechiko Musa ni mondo gikaw.

Jong’ad Bura 10:3

Bang’ Tola, Jair ja-Gilead nowuok, mobedo jatelo e Israel kuom higni piero ariyo gariyo.

1 Samuel 18:17

Saulo nowacho ni Daudi niya, “Ineno Merab nyara maduong’ni? Abiro miyigo, ikende. To in nyaka ibed mathwon, kikedona lwenje gi wasik Ruoth Nyasaye.” To Saulo ne dwaro ni mondo jo-Filistia ema oneg Daudi, ma ok onege en owuon.