Kwan 31:54 - MUMA MALER 2015

⁵⁴ Kamano Musa gi Eleazar jadolo noyudo dhahabu kuom jotend ogend lweny madongo gi matindo, mi ne gikelo e Hema Miromoe gi Nyasaye mondo Ruoth Nyasaye opargo jo-Israel.

Motingʼo Loko Manyien

⁵⁴ Musa kod Eliazar jadolo nokawo dhahabu koa kuom jotend jolweny mag alufe alufe kod mago mag miche miche mi negiterogi e Hemb Romo kaka rapar mar jo-Israel e nyim Jehova Nyasaye.

Kwan 31:54 ပူးပေါင်းရင်းမြစ်များ

Ezra 7:5

wuod Abishua, wuod Finehas, wuod Eleazar, ma wuod Harun jadolo maduong’.

Zaburi 115:1

In kendi, A Ruoth Nyasaye, ema nyaka iyud duong’, to ok wan, nikech adiera mari kod herani mosiko.

Zaburi 145:7

Giniol gik moko duto mabeyo misetimo, kendo ginipaki kuom timni makare, ka giwer mamor.

Zaburi 18:49

Kuom mano anapake e kind ogendini. Adier, anapak nyinge gi wer.

Wuok 28:12

Tuegi e misib efod, obed rapar mar yawuot Israel. Harun noting’ nyinggi e goke ka rapar e nyim Ruoth Nyasaye.

Wuok 30:16

Pesa ma jo-Israel chiwo kar ngimagi nyaka itigo e Hemb Romo. Pesa muchiwo kar ngimaugo nomi Ruoth Nyasaye paro jo-Israel.”

Zekaria 6:14

To Heldai gi Tobia gi Jedaya kod Josia wuod Zefania ema nobed karito osimbo kaka rapar e Hekalu mar Ruoth Nyasaye.”

Kwan 16:40

mondo obed rapar ni jo-Israel ni ng’ato ang’ata ma ok jadolo, kendo ma ok jaka Harun kik wang’ ubani ni Ruoth Nyasaye, nono to otho mana kaka Korah kod joge. Mago duto notimore mana kaka Ruoth Nyasaye nomiyo Musa ochiko Eleazar.

Luka 22:19

Eka nokawo makati, kendo kosegoyo ni Nyasaye erokamano, nong’ingo makatino, kowacho ni, “Ma e ringra mochiw nikech un. Timuru kamano mondo uparago.”

Tich Joote 10:4

Ne orango malaika mi openje koluor ni, “En ang’o, Ruoth?” Malaika nodwoke ni, “Lemoni gi timbeni mag ng’wono osechopo malo e nyim Nyasaye, kendo Nyasaye osepari.

Joshua 4:7

to ununyisgi kaka pi aora Jordan noduono kane Sandug Muma mar Ruoth Nyasaye kadho. Kamano kitego nobed rapar ni jo-Israel ndalo duto.”