Kwan 31:16 - MUMA MALER 2015

¹⁶ Donge ung’eyo ni kane Balaam osea gweng’ Peor, to mon-go ema nobet kawuondo jo-Israel mondo owe Ruoth Nyasaye, mi mano nomiyo tho ogoyo oganda Ruoth Nyasaye?

Motingʼo Loko Manyien

¹⁶ Gin e joma noluwo puonj Balaam kendo gin ema negimiyo oganda mar jo-Israel oweyo Jehova Nyasaye kuom gima notimore Peor, mane omiyo masira onego jo-Jehova Nyasaye.

Kwan 31:16 ပူးပေါင်းရင်းမြစ်များ

Ngeche 23:27

Dhako ma jachode en bur matut, kendo dhako materore en soko ma dhoge diny.

Eklesiastes 7:26

Ne ayudo ka dhako kech moloyo tho. Herane nyalo maki mana ka obadho kata ka tol, kendo bade ma okwakigo tueyi mana ka nyororo! Ng’at mohero Nyasaye to nyalo tony mak omako. Jaricho to ok nyal yombe.

Kwan 24:14

Koro adok ir jowa, to kapok adhi, to nyaka anyisi gima jo-Israel biro timo ni jogi e ndalo mabiro.”

Kwan 25:18

nikech ne githagou gi timbegi mag amara mane gitimo Peor, kendo kuom wach Kozbi ma nyargi, ma nyar jatend Midian, mane oneg ndalo mane yamb tho obiro nikech gima notimore Peor.”

Kwan 31:8

To bende ne ginego Evi gi Rekem gi Zur gi Hur kod Reba, mane ruodhi abich mag Midian, kaachiel gi Balaam wuod Beor.

Rapar mar Chik 4:3

Nuneno gi wang’u gima Ruoth Nyasaye ma Nyasachu notimo Baal-peor. Nonego jou moko duto mane lamo Baal ma nyasach Peor.

Joshua 22:17

Paruru richo mane watimo Peor, kod kum mane Ryoth Nyasaye omiyowa, ma pok orumo nyaka chil kawuono.

2 Petro 2:15

Giseweyo yo ma oriere tir, mi gilal, nimar giseluwo mana yor Balaam wuod Boer, mane oketo chunye kuom yudo pok mar tim maricho.

Juda 1:11

Mano kaka ginine malit! Gise mana luwo yo mane Kain oluwo, kendo gisemwomore e ketho mar Baalam nikech gihero pesa, bende giseng’anyo kaka Korah nong’anyo, mi girumo mana kaka en bende norumo.

Fweny 2:14

To kata kamano, an kodi gi weche moko, nikech in gi ji moko kanyo maluwo puonj mar Baalam, mane opuonjo Balak kaka onyalo miyo jo-Israel tim richo kuom chamo chiemo mosetimgo ni nyiseche manono misango, kendo kuom terruok.