Kwan 31:15 - MUMA MALER 2015

¹⁵ mopenjogi niya, “Ere gimomiyo useweyo mon-gi mak unego?

Motingʼo Loko Manyien

¹⁵ Nopenjogi niya, “Angʼo momiyo useyiene mon mondo obed mangima?”

Kwan 31:15 ပူးပေါင်းရင်းမြစ်များ

Jeremia 48:10

(Okuong’ ng’at ma ok otiyo tich Ruoth Nyasaye gi chunye duto! Bende okuong’ ng’at ma ok oneko gi liganglane.)

Ezekiel 9:6

Neguru joma dongo gi joma tindo, chwo gi mon, mine gi nyithindo, to kik umul ng’ato ang’ata man gi kido e lela wang’e. To chakuru timo kamano mana gie Hekalu mara.” Omiyo ne gichako mana gi jodongo mane ochung’ e Hekalu.

Kwan 31:14

To Musa nokecho gi jotend ogend lweny madongo gi matindo mane duogo koa e lweny,

Rapar mar Chik 2:34

Kinde nogono bende ema ne wakawoe mier mage duto, mwaketho chuth, kendo wanego ji duto mane odakie, chwo gi mon kod nyithindo. Onge ng’ato kata achiel mane waweyo ka ngima.

Rapar mar Chik 20:13

kendo ka Ruoth Nyasaye ma Nyasachu okete e lwetu, to nyaka uneg chwo duto man kanyo.

Rapar mar Chik 20:14

To unyalo kawo mon gi nyithindo, kendo yako jamni kod gik moko duto manie dalano, mi ukonyru gi gik ma Ruoth Nyasaye oseketo e lwetugo kaka uhero.

Joshua 10:40

Kamano Joshua nokawo pinyno duto. Noloyo ruodhi mag piny gode, kod mag piny milambo, gi mag pewe, kod mag kuonde motimo thidhiya. Nonego ji duto, ma ok oweyo ng’ato otony kata achiel, kotieko gimoro amora ma yueyo, kaka Ruoth Nyasaye ma Nyasach Israel nosechiko.

Joshua 11:14

Ne gipeyo dhok, mi giyako gimoro amora mane giyudo e miego, kendo ne ginego ji duto, ma ok giweyo kata ng’at achiel ka yueyo.

Joshua 6:21

Ne giketho gik moko duto e dalano, bende ne ginego ng’ato ang’ata ma dichwo kata ma dhako, ma rawera kata moti, kod dhok gi romb kod kenje.

Joshua 8:25

Chieng’no noneg jo-Ai duto, ma onge ng’ama dichwo kata madhako ma nodong’. Ne giromo ji alufu apar gariyo.

1 Samuel 15:3

Koro dhiyo iked gi jo-Amalek, kendo iketh mwandugi duto chuth. Kik iwegi, to ineggi duto, chwo gi mon, rawere gi nyithindo madhoth, gi dhok gi rombe, kod ngamia gi kenje.’ ”