Kwan 30:13 - MUMA MALER 2015

¹³ “Chwor dhako nyalo guro kata ketho singruok kata kuong’ruok ma chiege dwaro sandorego.

Motingʼo Loko Manyien

¹³ Chwor dhako nyalo guro kata ketho singruok kata kwongʼruok ma chiege dwaro sandorego.

Kwan 30:13 ပူးပေါင်းရင်းမြစ်များ

Ezra 8:21

Bang’ mano nagolo chik mondo wari kech e dho aora Ahava kanyo, ka wabolore e nyim Ruoth Nyasaye ma Nyasachwa, kendo wakwaye mondo oritwa gi nyithindwa kod giwa duto e wuodhwa.

Zaburi 35:13

An to, kane gituo, to ne arwako pien gugru. Nasando denda ka ariyo kech, kendo ne alemo ka akulo wiya piny,

Isaya 58:5

Uparo ni kit tueyo chiemo ma ayiego en mana sando ringruok, ka ng’ato okulo wiye piny ka togo, kata ka onindo e pien gugru mopedho e buru? Koso mano e gima uluongo ni tueyo chiemo adier? Koso mano e chieng’ ma an Ruoth Nyasaye ayiego?

Tim jo-Lawi 16:29

Koro chik momakou nyaka chieng’ e ma: Due apar mar due mar abiriyo, un jo-Israel kaachiel gi jopinje mamoko modak kuomu, nyaka utue chiemo, kendo kik uti tich moro,

Tim jo-Lawi 23:27

mondo onyis jo-Isarel niya, “Due apar due mar abiriyono nobednu chieng’ migolonue richo. Enobed chokruok maler ma nyaka uriye kech, kendo uchiwie ni Ruoth Nyasaye misango miwang’o.

Tim jo-Lawi 23:32

Chieng’ono nobednu sabato mar yueyo maber, omiyo nyaka uri kech. Chakre odhiambo mar due ochiko nyaka odhiambo mar due apar kik uti.”

Kwan 29:7

“Due apar due mar abiriyono nyaka ubed gi chokruok maler, kendo nyaka usandru kuriyo kech, bende kik uti tich moro amora.

Kwan 30:12

To ka chwore odagi kuong’ruokgo ratiro kowinjogi, to onge gimoro amora mane chiege owacho ma nomake, bed ni en kuong’ruok kata singruok. Chwore osekethogi, omiyo Ruoth Nyasaye nowene.

Kwan 30:14

To ka dichwo oling’ chieng’no kod kinyne, to mano nyiso ni oyie gi singruok kata kuong’ruok mane chiege otuerego. Ginisiki, nikech ka ne owinjogi, to noling’.

1 Jo-Korintho 11:3

To adwaro ni mondo ung’e ni wi dichwo ka dichwo en Kristo, kendo wi dhako en dichwo, to wi Kristo en Nyasaye.

1 Jo-Korintho 11:9

Bende dichwo ne ok ochue ni dhako, to dhako ema nochue ni dichwo.

1 Jo-Korintho 7:5

Kik utuonru gima owinjore, mak mana ka uwinjoru e kindu uwegi kuom kinde matin mondo uyud thuolo mar lemo. Eka bang’e uchak ubed kaachiel, nono to Satan otemou nikech ok unyal ritoru.