Kwan 30:12 - MUMA MALER 2015

¹² To ka chwore odagi kuong’ruokgo ratiro kowinjogi, to onge gimoro amora mane chiege owacho ma nomake, bed ni en kuong’ruok kata singruok. Chwore osekethogi, omiyo Ruoth Nyasaye nowene.

Motingʼo Loko Manyien

¹² To ka chwore odagi kwongʼruokneno, to onge gimoro amora mane chiege owacho manyalo make. Chwore osekethogi, kendo Jehova Nyasaye nokete thuolo.

Kwan 30:12 ပူးပေါင်းရင်းမြစ်များ

Jeremia 44:17

Wabiro timo gik moko duto ma wasesingore ni watimo. Wabiro timo misengni ni nyasaye madhako miluongo ni Ruodh Polo, kendo wabiro chiwone misengni miolo piny, mana kaka wan gi kwerewa gi ruodhwa kod jotendwa ne watimo e miech Juda kendo e yore mag Jerusalem. E ndalono ne wan gi chiemo mogundho, kendo ne wadhi nyime maber maonge chandruok moro.

Jeremia 44:19

Eka mon bende nowacho niya, “Kane waloso kek e kido machal gi ruoth madhako mar polo, kendo wachiwone misengni miolo piny, to chwowa ne oyie gi gima ne watimono.”

Kwan 15:25

Eka jadolo nopwodh oganda duto mar Israel, mi nowenigi richogi, nikech ne giketho mana ka gikia, kendo gisetimo ni Ruoth Nyasaye misango miwang’o. Bende gisetimo misango mar golo richo e nyim Ruoth Nyasaye kuom ketho mane giketho ka gikia.

Kwan 15:28

kendo jadolo nopwodh ni ng’atno kethone e nyim Ruoth Nyasaye, mi nowene.

Kwan 30:11

to eka bang’e chwore owinjo to oling’ aling’a mi ok odagi wachno, to kuong’ruokgo duto nyaka siki.

Kwan 30:13

“Chwor dhako nyalo guro kata ketho singruok kata kuong’ruok ma chiege dwaro sandorego.

Kwan 30:5

To ka wuon odagi wachno chieng’ mowinjeeno, to kuong’ruokgo duto ok nyal mako nyakono. Ruoth Nyasaye nowene nikech wuon mare osedagi.

Kwan 30:8

To ka chwore odagi kuong’ruokno chieng’ mowinjoe wach mi oketho kuong’ruok, to kuong’ruokno ok nyal mako dhakono, to Ruoth Nyasaye nowene.

1 Jo-Korintho 11:3

To adwaro ni mondo ung’e ni wi dichwo ka dichwo en Kristo, kendo wi dhako en dichwo, to wi Kristo en Nyasaye.

1 Samuel 1:23

Elkana chwore nokone niya, “Tim gima ineno ni ber. Rit nyaka nyathi we dhoth. To Ruoth Nyasaye mondo one ni ichopo singruokni.” Kamano Hana nodong’, kadhodho nyathine nyaka we dhoth.