Kwan 3:7 - MUMA MALER 2015

⁷ Nyaka gitine, kendo giti ni oganda duto e nyim Hemb Romo ka gitiyo tich lemo e Kama Ler.

Motingʼo Loko Manyien

⁷ Nyaka gitine kaachiel gi oganda duto e nyim Hemb Romo ka gitiyo tije mag kama ler.

Kwan 3:7 ပူးပေါင်းရင်းမြစ်များ

1 Weche mag Ndalo 26:20

Jo-Lawi moko ne rito od keno mag Od Nyasaye kod kuonde mikanoe chiwo momi Ruoth Nyasaye.

1 Weche mag Ndalo 26:22

Jehiel kod owetene ma Zetham gi Joel ema ne rito kuonde keno mag Od Ruoth Nyasaye. Ne gin jotend dhout Laadan jaka Gershon.

1 Weche mag Ndalo 26:26

Shelemothno kaachiel gi owetene ema ne rito udi mikanoe chiwo mane Daudi gi jodong dhoudi, gi jotend ogend lweny madongo gi matindo, kod jotend jolweny moko osechiwo ni Ruoth Nyasaye.

Tim jo-Lawi 8:35

Omiyo koro beduru e dho Hemb Romo odiechieng’ gotieno kuom ndalo abiriyo, kutimo gima Ruoth Nyasaye ochiko, mondo kik utho. Mano e kaka Ruoth Nyasaye nochika.”

Kwan 1:50

to iketgi e tich rito Hema Maler gi gige duto. Gin kende ema ginibed jorit Hema Maler, kendo ginigur hembegi molwore koni gi koni.

Kwan 1:53

To jo-Lawi nogur hembegi e alwora mar Hema Maler mar Rapar, mondo mirimba kik bi kuom oganda duto mag Israel. Kamano jo-Lawi ema nobed karito Hema Maler mar Rapar.”

Kwan 3:32

Jaduong’ jotend jo-Lawi duto ne Eleazer wuod Harun jadolo. En ema nokete jatelo mar rito Hema Maler.

Kwan 3:8

Ginibed ka girito gik moko duto mitiyogo e Hemb Romo, kendo giniti tich lemo e Kama Ler ni jo-Israel.

Kwan 31:30

To kuom gik mopog ni jo-Israel modong’, ugolie achiel kuom piero abich abich, bed ni gin ji kata dhok kata kenje kata rombe, omi jo-Lawi ma jorit Hema Maler mar Ruoth Nyasaye.”

Kwan 8:11

Bang’ mano Harun nochiw jo-Lawi e nyim Ruoth Nyasaye ka mich moyiedhi moa kuom jo-Israel, kendo nowalgi ni tich Ruoth Nyasaye.

Kwan 8:15

“Ka isepwodho jo-Lawi kichiwogi ka mich moyiedhi kamano, to ginidonj e Hemb Romo mondo gitiye,