Kwan 3:51 - MUMA MALER 2015

⁵¹ Nochiwo pesago ni Harun gi yawuote kaka ne Ruoth Nyasaye owachone. Kamano notimo gima ne Ruoth Nyasaye ochike.

Motingʼo Loko Manyien

⁵¹ Musa nochiwo ne Harun kod yawuote pesa miwarogo jo-Israel momedore mana kaka Jehova Nyasaye nochike.

Kwan 3:51 ပူးပေါင်းရင်းမြစ်များ

Wuok 12:50

Jo-Isreal notimo gik moko duto mane Nyasaye ochiko Musa gi Harun,

Malaki 4:4

“Paruru puonj mag Musa jatichna gi chike mane amiye e got Horeb, ni mondo jo-Israel duto oluw.

Kwan 1:19

Kamano e kaka Musa nokwano jo-Israel e thim Sinai.

Kwan 16:15

Kane Musa owinjo wechegigo, mirima mager nomake, mi owacho ni Ruoth Nyasaye niya, “Kik idew ng’ur ma ging’urgono. Pok amayogi kata mana kanyna achiel, bende pok atimo marach ni ng’ato ang’ata kuomgi.”

Kwan 3:48

Pesa mowargigo unuchiw ni Harun gi yawuote.”

Kwan 3:50

Kar romb pesago ne shekel mag fedha alufu achiel gi mia adek kod piero achiel gabich kopim gi rapim mitiyogo e tich Nyasaye.

Kwan 4:1

Ruoth Nyasaye nowacho ni Musa gi Harun niya,

Tich Joote 20:33

Ne ok agombo fedha kata dhahabu kata law ng’ato.

1 Jo-Korintho 9:12

Ka jomoko to nigi thuolo mar yudo gigo kuomu, koro wan donge wan gi thuolo moloyo? Kata kamano ok wasekonyore gi thuolono, to wadhil gi chandruok duto, mondo kik watim gimoro ma dimon Wach Maber man kuom Kristo landre.

1 Petro 5:2

Beduru jokwadh kueth ma Nyasaye osemiyou, kendo ritgiuru gi chuny mamor kaka Nyasaye dwaro, to ok kuom achune. Kik utim kamano mondo uyudie ohala, to timeuru mana nikech uhero.