Kwan 3:25 - MUMA MALER 2015

²⁵ To kuom tich Hemb Romo, joka Gershon ne omi tich rito Hema Maler, kaachiel gi gik miumego, kod pasia mar dhood Hemb Romo,

Motingʼo Loko Manyien

²⁵ Tij jo-Gershon e Kar Hemb Romo ne en rito Kama Ler mar Lemo kod hema, kaachiel gi gik moumego, kaka pasia mantiere e dhorangach mar Hemb Romo.

Kwan 3:25 ပူးပေါင်းရင်းမြစ်များ

1 Weche mag Ndalo 23:32

Jo-Lawi nomi bende tich rito Hemb Romo, kod Kama Ler, to joka Harun owetegi ema nomi tich dolo e Od Ruoth Nyasaye.

2 Weche mag Ndalo 31:2

Bang’e Hezekia nopogo jodolo gi jo-Lawi e migepe mopogore opogore, kaka tichgi nobet. Moko noketo mondo otim misengni miwang’o pep, to moko misengni mag sawo, kendo moko mondo orit dhorangeye mag Od Ruoth Nyasaye, to moko mondo ogo erokamano kendo opak Ruoth Nyasaye gi wer.

Wuok 25:9

To nyaka gere kaachiel gi gige duto, kiluwo mana kido ma abiro nyisi.

Wuok 40:19

Noyaro hema maoko e wi Hema maler, mi noume gi raumne kaka Ruoth Nyasaye nochike.

Wuok 40:28

Nogeng’o dho Hema Maler gi pasia,

Kwan 1:50

to iketgi e tich rito Hema Maler gi gige duto. Gin kende ema ginibed jorit Hema Maler, kendo ginigur hembegi molwore koni gi koni.

Kwan 10:17

Kane Hema Maler omuki, joka Gershon gi joka Merari nowuok koting’e.

Kwan 3:24

Jatendgi ne Eliasaf wuod Lael.

Kwan 3:7

Nyaka gitine, kendo giti ni oganda duto e nyim Hemb Romo ka gitiyo tich lemo e Kama Ler.

Kwan 7:7

Nomiyo joka Gershon geche ariyo gi ruedhi ang’wen, moromo tichgi.

Mariko 13:34

Gik ma notimre chalo gi gik matimore ka ng’ato odhi wuoth kuma bor, to oweyo ni jotichne tich ma ng’ato ka ng’ato onego oti, kendo onyiso jarit rangach mondo onen.

Jo-Kolosai 4:17

Nyisuru Arkipo ni mondo one ni otieko gima ne omiye mondo otim, nikech en tich Ruoth.

1 Timotheo 1:18

Koro Timotheo nyathina, asemiyi chikno kaluwore gi weche mane johul wach moa kuom Nyasaye okoro kuomi chon. Ked lweny maber, ka wechego jiwi,