Kwan 29:6 - MUMA MALER 2015

⁶ Mago duto nyaka utim kumedo ewi misango miwang’o pep mitimo due ka due, kendo mitimo pile, kaachiel gi misengni mag cham gi miolo piny, michiwogigo kaka chik dwaro. En misango miwang’o mondo odum tik mamit ni Ruoth Nyasaye.

Motingʼo Loko Manyien

⁶ Magi imedo ewi misango miwangʼo pep mar dwe ka dwe kod mago michiwo pile ka pile kaachiel gi chiwo mar cham kod misango miolo piny mana kaka owinjore. Gin chiwo miwangʼo pep ne Jehova Nyasaye, madungʼ tik mangʼwe ngʼar mamoro Jehova Nyasaye.

Kwan 29:6 ပူးပေါင်းရင်းမြစ်များ

Ezra 3:4

Ne gitimo Sap Kiche kaka nondiki, kendo ne gitimo misengni miwang’o pep kaka chik dwaro odiechieng’ kodiechieng’.

Tim jo-Lawi 6:9

“Koro nyis Harun gi yawuote ni chik mar misango miwang’o pep ema: Misango miwang’o pep nyaka bed e kendo-mar-misango otieno duto nyaka okinyi, to bende mach nyaka sik ka liel kanyo.

Kwan 15:24

to ma e gima nyaka utim. Ka oganda duto ema oketho ka kia kamano, to nyaka gichiw nyarwath mondo gitimgo misango miwang’o pep mondo odum mamit ni Ruoth Nyasaye, kaachiel gi misango mar cham kaachiel gi miolo piny mitimego kaka chik dwaro. Bende nyaka gichiw nywok mondo gitimgo misango mar golo richo.

Kwan 15:4

to ng’at machiwo misangono nyaka chiw bende misango mar cham mar mogo moromo kilo adek moruw gi mo lita ariyo.

Kwan 28:27

Unuchiw nyiruedhi ariyo gi im achiel kod nyiimbe abiriyo ma hikgi achiel achiel mondo otimgo misango miwang’o pep madum mamit ni Ruoth Nyasaye.

Kwan 29:18

Misengni mag cham kod miolo piny nyaka bed moketi kaka chik dwaro, maromre gi kar romb jamnigo.

Kwan 29:21

Misengni mag cham kod miolo piny nyaka bed moketi kaka chik dwaro, maromre gi kar romb jamnigo.

Kwan 29:5

Bende nyaka uchiw nywok mondo otimgo misango mar golo richo, upwodhrugo.

Kwan 7:13

Nochiwo nyalaro mar fedha ma pekne romo shekel mia achiel gi piero adek, kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

Kwan 9:14

“Ka japiny moro odak kuomu, to en bende nyaka otim ni Ruoth Nyasaye Sap Pasaka, koluwo chike moketi duto. Chik achielno omako jadak gi ja-Israel machalre.”