Kwan 29:39 - MUMA MALER 2015

³⁹ “Mago e misengni ma nyaka utim ni Ruoth Nyasaye e sewni moketi, kumedo ewi misengni muchopogo kuong’ruok, gi muchiwo kuom herou, gi miwang’o pep gi mag cham gi miolo piny kod mag sawo.”

Motingʼo Loko Manyien

³⁹ “ ‘Kuom chiwo mar kwongʼruok kod chiwo mar hera, losneuru Jehova Nyasaye sewni moyier kaka: misango miwangʼo pep, chiwo mag cham, misango miolo piny kod chiwo mag lalruok.’ ”

Kwan 29:39 ပူးပေါင်းရင်းမြစ်များ

1 Weche mag Ndalo 23:31

Ne gikonyo bende joma ne timo misango miwang’o pep ni Ruoth Nyasaye e ndalo Sabato, kendo ka due opor, kendo en ndalo moketi, kaka nochan-gi.

2 Weche mag Ndalo 31:14

Koreh wuod Imna ja-Lawi ma jarit dhorangach ma yo wuok chieng’ norito gik ma ji chiwo ni Nyasaye kuom herogi. Tichne ne en pogo ni jodolo gik mochiw ni Ruoth Nyasaye, kod chiwo maler moloyo.

2 Weche mag Ndalo 31:3

Ruoth ne golo kuom mwandune owuon gik mitimogo misengni miwang’o pep okinyi godhiambo, kod miwang’o e ndalo mag Sabato, kendo ka due opor, kendo e ndalo mag sewni moketi, kaka ondiki e chik Ruoth Nyasaye.

Ezra 3:4

Ne gitimo Sap Kiche kaka nondiki, kendo ne gitimo misengni miwang’o pep kaka chik dwaro odiechieng’ kodiechieng’.

Ezra 3:5

To bende ne gitimo misengni mapile, gi misengni mag Sabato gi mago mitimo ka due opor, kod mag sewni moko duto mowal ni Nyasaye, kendo ne gichiwo mich mane ji okelo ni Ruoth Nyasaye kuom herogi.

Nehemia 10:33

mibiro ng’iewogo makati miketo e nyim Nyasaye pile, gi misango mar cham mitimo pile, gi misengni miwang’o pep, kod misengni mamoko mitimo chieng’ Sabato gi ndalo ma due opor, kod ndalo sewni, kendo ni tich misengni mamoko gi misengni migologo richo mag jo-Israel, kendo ni tich duto mag Od Nyasachwa.

Isaya 1:14

Ok ayie kodgi! Giwang’o iya, kendo ok adwar nenogi chuth!

Tim jo-Lawi 23:2

“Sewni ma Ruoth Nyasaye oketo e magi: Gin chokruok maler, ma nyaka ogonigi milome nikech gin sewni maga ma aseketo.

Tim jo-Lawi 23:28

Chieng’ onogo kik uti tich moro amora nikech en chieng’ pwodhruok, migolonue richo e nyim Ruoth Nyasaye ma Nyasachu.

Tim jo-Lawi 23:38

To ewi mago nitie sabato mag Ruoth Nyasaye kod chiwou moko duto gi mich muchopogo kuong’ruok mau, kod mago muchiwo ni Ruoth Nyasaye kuom herou.

Tim jo-Lawi 7:11

Chik mar misango mar sawo michiwo ni Ruoth Nyasaye ema:

Amos 5:22

Ka utimona misengni miwang’o pep, kod misengni mag cham, to ok nayiego, bende ok narang jambu mutimogo misengni mag sawo.

Kwan 28:2

Chik jo-Israel mondo ochiw gik mitimonago misengni miwang’o mondo obed chiemba madum tik mamit e kinde moketi.

Kwan 29:38

Bende nyaka uchiw nywok achiel mondo otimgo misango mar golo richo, kumedoe misango miwang’o pep mitimo pile, kod misango mar cham gi miolo piny michiwego.

Kwan 29:40

Musa nonyiso jo-Israel mana kaka Ruoth Nyasaye nochike.

Kwan 6:21

“Mano e chik momako ja-Nazir ma osekwong’ore, kendo mano e misango ma nyaka otim ni Ruoth Nyasaye kuom walruokne, ka ok okwan gik mamoko ma onyalo chiwo. Nyaka ochop kuong’ruokne duto, kaluwore gi chik mar walruokne.”

1 Jo-Korintho 10:31

To adwoko penjono ni, ka uchiemo kata umetho kata utimo gimoro amora, to timuru kamano mana ni mondo omi Nyasaye duong’.

Rapar mar Chik 12:6

Kanyo ema ubiro keloe misengni mau miwang’o pep, kod misengni mamoko, gi chiwo mar achiel kuom apar, kod chiwo mamoko kod gik ma ukuong’oru ni ubiro chiwo, kod mago muchiwo kuom herou, kaachiel gi nyithindo makayo mag jambu.