Kwan 29:22 - MUMA MALER 2015

²² Bende nyaka uchiw nywok achiel mondo otimgo misango mar golo richo, kumedo ewi misango miwang’o pep mitimo pile, kod misango mar cham gi miolo piny michiwego.

Motingʼo Loko Manyien

²² Ewi mago meduru nywok achiel kaka chiwo mar pwodhruok e richo, kumedo ewi misango miwangʼo pep mapile kaachiel gi misango miolo piny.

Kwan 29:22 ပူးပေါင်းရင်းမြစ်များ

Zaburi 16:4

Joma ringo dhi kuom nyiseche mamoko kelo chandruok mang’eny kuomgi giwegi. Ok anatim kodgi misengni mag remo ma giolo piny, kendo ok nalam nyisechegigo.

Joel 1:13

Un jodolo matimo misengni e kendo-mar-misango rwakuru pien gugru mondo uywagi! Ee, un jotich Nyasachwa, donjuru e Hekalu kendo ninduru kanyo e piende gugru otieno duto, nikech onge mogo kata divai e od Nyasachu ma unyalo timogo misango mar cham kata misango miolo piny.

Joel 1:9

Onge mogo kata gima imadho ma inyalo chiwo e Hekalu mar Ruoth Nyasaye mondo otimgo misango mar cham kata misango miolo piny. Mano emomiyo jodolo matimo misengni ni Ruoth Nyasaye ywak.

Joel 2:14

Dipo ka Ruoth Nyasaye ma Nyasachu biro loko parone, mi oguedhu gi cham mogundho. Eka unubed gi mogo kod divai, ma unyalo timonego misengni miolo piny.

Kwan 29:21

Misengni mag cham kod miolo piny nyaka bed moketi kaka chik dwaro, maromre gi kar romb jamnigo.

Kwan 29:23

“Chieng’ mar ang’wen unuchiw ruedhi apar gi imbe ariyo kod nyiimbe apar gang’wen ma hikgi achiel achiel mondo timgo misango. Jamnigo duto nyaka bed maonge songa.