Kwan 29:17 - MUMA MALER 2015

¹⁷ “Chieng’ mar ariyo unuchiw nyiruedhi apar gariyo gi imbe ariyo kod nyiimbe apar gang’we ma hikgi achiel achiel mondo otimgo misango. Jamnigo duto nyaka bed maonge songa.

Motingʼo Loko Manyien

¹⁷ “ ‘E odiechiengʼ mar ariyo chiwuru nyirwedhi apar gariyo, imbe ariyo kod nyiimbe apar gangʼwen mahikgi achiel, ma duto onge songa.

Kwan 29:17 ပူးပေါင်းရင်းမြစ်များ

Zaburi 40:6

Ok misango kod chiwo ema imorgo to isemiya it mondo awinji. Misengni miwang’o pep, kod misengni mag golo richo, bende ne ok idwaro.

Zaburi 69:31

Mano biro miyo Ruoth Nyasaye mor, moloyo misango motimne gi rwath, kata bed mana ni en rwath maber manade!

Wuok 12:5

Chiayono nyaka bed nyarombo kata nyadiel ma dichwo ma jahiga achiel ma onge songa.

Isaya 1:11

Openjou niya, “Ere ohala mar timona misengni mogundho? Aol gi misengni mag imbe miwang’o pep, kaachiel gi boche mag jamni machwe. Bende ok agomb remb ruedhi gi mag rombe kod mag nyuogi.

Hosea 6:6

nimar gima adwaro moloyo en hera mosiko, to ok misengni. Ber ka joga ong’eya, moloyo ka gitimona misengni miwang’o.

Tim jo-Lawi 23:36

Kuom ndalo abiriyogo nyaka uchiw ni Ruoth Nyasaye misengni miwang’o, to chieng’ mar aboro chokruok maler nobedie. Chieng’no bende unuchiw ni Ruoth Nyasaye misango miwang’o. En chokruok mitiekogo nyasi, omiyo kik uti tijeu mapile.

Kwan 29:13

Unuchiw nyiruedhi apar gadek gi imbe ariyo kod nyiimbe apar gang’wen ma hikgi achiel achiel, mondo otimgo misango miwang’o pep madum tik mamit ni Ruoth Nyasaye. Jamnigo duto nyaka bed maonge songa.

Jo-Rumi 12:1

Emomiyo owetena, asayou kuom ng’wono mar Nyasaye mondo uchiw ringreu obed misango mangima kendo maler ma Nyasaye nyalo yiego, nikech mano e yo maradier mar lemo monego uluw.

Jo-Hibrania 8:13

To ka Nyasaye wuoyo kuom singruok manyien kamano, to mano nyiso ni osemiyo singruok mokwongo odoko machon, kendo ong’ere ni gima odoko machon, kendo oti, chiegni rumo.