Kwan 29:12 - MUMA MALER 2015

¹² “Due apar gabich due mar abiriyo, nyaka ubed gi chokruok mar lemo. Ok unuti tijeu mapile, to nyaka utim ni Ruoth Nyasaye sawo kuom ndalo abiriyo.

Motingʼo Loko Manyien

¹² “ ‘E odiechiengʼ mar apar gabich e dwe mar abiriyo, losuru chokruok mowal kendo kik uti tijeu mapile. Losneuru Jehova Nyasaye sawo kuom ndalo abiriyo.

Kwan 29:12 ပူးပေါင်းရင်းမြစ်များ

1 Ruodhi 12:32

Jeroboam nogolo chik mondo otim sawo due apar gabich, due mar aboro, machal gi sawo mane jo-Juda timo, kendo notimo misango ni nyiruedhi mane oloso Bethel. Nogolo jodolo matiyo e hembko mane oseloso, moketo Bethel.

Ezra 3:4

Ne gitimo Sap Kiche kaka nondiki, kendo ne gitimo misengni miwang’o pep kaka chik dwaro odiechieng’ kodiechieng’.

Nehemia 8:14

Ne giyudo kondik e chik ni Ruoth Nyasaye nosechiko jo-Israel gi dho Musa ni onego gidagi e kiche ndalo sawo matimore e due mar abiriyo,

Nehemia 8:18

Odiechieng kodiechieng’ chakre chieng’ mokwongo nyaka chieng’ mogik, nisomo kitap chik mar Nyasaye. Ne gitimo nyasi kuom ndalo abiriyo, to chieng’ mar aboro ne giloso sawo mogik, kaka chik dwaro.

Wuok 23:16

Kukayo cham mane uchwoyo e lopu, to nyaka utim Sap Keyo, kukelona cham mukwongo kayo. Bende unutim Sap Olembe e giko higa, ka usepono olembe puotheu mag mzabibu kod mag zeituni.

Wuok 34:22

“Nyaka urit Sap Jumbe, tiende ni sap chiwo mar cham mokwongo nyak. To bende nyaka urit Sap Pono Olembe e giko higa.

Ezekiel 45:25

“Kuom Sawo Maduong’ machakore chieng’ due apar gabich, due mar abiriyo, ruoth marito piny Israel nyaka tim misengni mag golo richo gi misengni miwang’o pep pilepile kuom ndalo abiriyo, mana machalre gi mago mitimo e Sap Pasaka, kendo bende nyaka bed maromre gi mago michiwo e Sap Pasaka.”

Tim jo-Lawi 23:7

Chieng’ mokwongo mar jumano, unubed gi chokruok maler, kendo ok unuti tijeu ma pile.

Kwan 29:1

“Due achiel due mar abiriyo, nyaka ubed gi chokruok mar lemo, kendo ok unuti tijeu mapile. Mano en chieng’ mor mugoyoe tung.’

Kwan 29:13

Unuchiw nyiruedhi apar gadek gi imbe ariyo kod nyiimbe apar gang’wen ma hikgi achiel achiel, mondo otimgo misango miwang’o pep madum tik mamit ni Ruoth Nyasaye. Jamnigo duto nyaka bed maonge songa.

Kwan 29:35

“Chieng’ mar aboro unutim nyasi mitiekogo chokruok, kendo ok unuti tijeu mapile.

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.