Kwan 28:8 - MUMA MALER 2015

⁸ Nyaim machielo mutimogo misango godhiambo mar ang’ich welo nyaka chiw gi misango mar cham kod miolo piny maromre gi mago michiwo gokinyi. En misango miwang’o mondo odum tik mamit ni Ruoth Nyasaye.

Motingʼo Loko Manyien

⁸ Chiw nyarombo mar ariyo godhiambo, kaachiel gi chiwo mar cham machalo kamano kod misango miolo piny ma iloso gokinyi. Ma en chiwo miwangʼo pep, misango madungʼ tik mangʼwe ngʼar mamoro Jehova Nyasaye.

Kwan 28:8 ပူးပေါင်းရင်းမြစ်များ

Tim jo-Lawi 1:13

Jambich gi tielo to nyaka lwok gi pi, eka jadolo nochiwgi kaachiel gi lemo duto e kendo-mar-misango mondo otimgo misango miwang’o pep ma tikne dum mamit ni Ruoth Nyasaye.

Tim jo-Lawi 1:17

Nyaka obambe ma ok ogolo buombene oko, eka owang’e ewi yien moket e mach manie kendo-mar-misango. En misango miwang’o pep, madum mamit ni Ruoth Nyasaye.

Tim jo-Lawi 1:9

Jambich gi tielo to nyaka lwok gi pi, eka jadolo nowang’gi kaachiel gi lemo duto e kendo-mar-misango, kotimogo misango miwang’o pep, mondo odum mamit ni Ruoth Nyasaye.

Kwan 28:7

To misango miolo piny mitimego nobed divai moromo lita ariyo kuom im ka im. Nyaka uol divai makechno ei Kama Ler ka misango ni Ruoth Nyasaye.

Kwan 28:9

“Chieng’ sabato to nyaka uchiw nyiimbe ariyo maonge songa ma hikgi achiel achiel mondo otimgo misango. Nyaka chiwe gi misango miolo piny, mitimego kaka chik dwaro.

Kwan 29:19

Bende nyaka uchiw nywok achiel mondo otimgo misango mar golo richo, kumedo ewi misango miwang’o pep mitimo pile, kod misango mar cham gi miolo piny michiwego.