Kwan 28:7 - MUMA MALER 2015

⁷ To misango miolo piny mitimego nobed divai moromo lita ariyo kuom im ka im. Nyaka uol divai makechno ei Kama Ler ka misango ni Ruoth Nyasaye.

Motingʼo Loko Manyien

⁷ Nyarombo ka nyarombo nokel gi misango miolo piny maromo divai lita achiel. Nyaka uol divaino ei kama ler mar lemo ne Jehova Nyasaye.

Kwan 28:7 ပူးပေါင်းရင်းမြစ်များ

Wuok 29:40

Kichiwo nyarombo mokwongo, to nyaka ichiw bende mogo mayom moromo ondweto, moruw gi mo maliw moromo lita ariyo. To bende nyaka ichiw divai moromo lita ariyo, ka misango miolo piny.

Wuok 29:42

Misangono nyaka bed kitimo e dho Hemb Romo e nyim Ruoth Nyasaye kuom tienge duto nyaka chieng’. Kanyo ema an Ruoth Nyasaye nabed karomoe kodu, kendo losoe kodi.

Wuok 30:9

Kendono kik wang’ie ubani ma ok owinjore, kata misango miwang’o pep, kata mar cham, kata mana mano miolo piny.

Isaya 57:6

To in oganda Israel, kar dak mopogni ni e hoho motimo lwendni mapoth. Kuno ema itimoe misengni miolo piny ni nyiseche manono, kendo ema ichiwoe misengni mag cham. Iparo ni dawe mak asin gi gigo koso?

Joel 1:13

Un jodolo matimo misengni e kendo-mar-misango rwakuru pien gugru mondo uywagi! Ee, un jotich Nyasachwa, donjuru e Hekalu kendo ninduru kanyo e piende gugru otieno duto, nikech onge mogo kata divai e od Nyasachu ma unyalo timogo misango mar cham kata misango miolo piny.

Joel 1:9

Onge mogo kata gima imadho ma inyalo chiwo e Hekalu mar Ruoth Nyasaye mondo otimgo misango mar cham kata misango miolo piny. Mano emomiyo jodolo matimo misengni ni Ruoth Nyasaye ywak.

Joel 2:14

Dipo ka Ruoth Nyasaye ma Nyasachu biro loko parone, mi oguedhu gi cham mogundho. Eka unubed gi mogo kod divai, ma unyalo timonego misengni miolo piny.

Tim jo-Lawi 1:9

Jambich gi tielo to nyaka lwok gi pi, eka jadolo nowang’gi kaachiel gi lemo duto e kendo-mar-misango, kotimogo misango miwang’o pep, mondo odum mamit ni Ruoth Nyasaye.

Tim jo-Lawi 23:13

To misango mar cham michiwo gi imno nobed mogo mayom moromo kilo abiriyo, moruw gi mo. Misango nyaka wang’ mondo odum tik mamit ni Ruoth Nyasaye. To misango miolo piny nobed divai moromo lita achiel.

Kwan 15:10

kod divai moromo lita ang’wen mondo otimgo misango miolo piny. Gigo duto nobed misango miwang’o mondo odum tik mamit ni Ruoth Nyasaye.

Kwan 15:5

Bende nyaka uchiw lita ariyo mar divai obed misango miolo piny kuom nyarombo ka nyarombo mutimogo misango miwang’o pep, kata misango mar sawo.

Kwan 15:7

kendo divai mitimogo misango miolo piny nyaka bed moromo lita adek. Kamano e kaka unutim ni Ruoth Nyasaye misango madum tik mamit.

Kwan 28:14

Misango miolo piny mitimo gi nyarwath ka nyarwath nobed divai moromo lita ang’wen, to michiwo gi im nobed lita ariyo, kendo michiwo gi nyaim ka nyaim, lita achiel. Mano en misango miwang’o pep ma nyaka tim due ka due e higa ngima.

Kwan 28:31

Jamnigo duto nyaka bed maonge songa, kendo misengnigo duto nyaka utim kumedo ewi misengni miwang’o pep mitimo pile, kaachiel gi misango miolo piny michiwogigo.

Kwan 28:6

(Mano e misango mitimo miwang’o mitimo pile mondo odum mamit ni Ruoth Nyasaye, mane ochak tim e got Sinai.)

Kwan 28:8

Nyaim machielo mutimogo misango godhiambo mar ang’ich welo nyaka chiw gi misango mar cham kod miolo piny maromre gi mago michiwo gokinyi. En misango miwang’o mondo odum tik mamit ni Ruoth Nyasaye.

Jo-Filipi 2:17

Yie maru en misango muchiwo ni Nyasaye, omiyo kata ka obedo ni remba iolo kimedo e misangono, to berna, kendo adwaro mondo uduto ung’e kaka amor.