Kwan 28:6 - MUMA MALER 2015

⁶ (Mano e misango mitimo miwang’o mitimo pile mondo odum mamit ni Ruoth Nyasaye, mane ochak tim e got Sinai.)

Motingʼo Loko Manyien

⁶ Ma e chiwo mapile mowangʼ mopwodhi e Got Sinai kaka gima dungʼ tik mangʼwe ngʼar mamoro Jehova Nyasaye, en misango miwangʼo pep mochiwne Jehova Nyasaye.

Kwan 28:6 ပူးပေါင်းရင်းမြစ်များ

2 Weche mag Ndalo 2:4

nimar adwaro gero ot moyang ni Ruoth Nyasaye ma Nyasacha, kama jodolo nowang’ie ubani mang’we ng’ar e nyim Ruoth Nyasaye, kendo nochiwie makati miketo e nyime pile, kendo notimie misengni miwang’o pep okinyi godhiambo, kod miwang’o e ndalo mag Sabato, kendo ka due por, kendo e ndalo sewni ma Ruoth Nyasaye oseketo ni Israel nyaka chieng’.

2 Weche mag Ndalo 31:3

Ruoth ne golo kuom mwandune owuon gik mitimogo misengni miwang’o pep okinyi godhiambo, kod miwang’o e ndalo mag Sabato, kendo ka due opor, kendo e ndalo mag sewni moketi, kaka ondiki e chik Ruoth Nyasaye.

Ezra 3:4

Ne gitimo Sap Kiche kaka nondiki, kendo ne gitimo misengni miwang’o pep kaka chik dwaro odiechieng’ kodiechieng’.

Zaburi 50:8

Aonge kodu gi wach kuom misengni miwang’o pep kod misengni mamoko mutimona pile.

Wuok 24:18

Musa nodonjo e bor polono, modhi ewi got, kendo nobet kuno kuom ndalo piero ang’wen odiechieng gotieno.

Wuok 31:18

Kane Ruoth Nyasaye osetieko wuoyo gi Musa e got Sinai, nomiye kite mopamore ariyo mag rapar. Gin e kite ariyo mane Nyasaye ondikoe gi lith lwete.

Ezekiel 46:14

Bende misango mar mogo moromo kilo ariyo nyaka tim okinyi kokinyi, kendo nyaka chiwe gi mor zeituni moromo lita achiel, midwalego. Chike mag misango mitimo ni Ruoth Nyasaye nyaka sik mochwere.

Ezekiel 46:15

Nyarombo gi mogo kod mor zeitunigo nyaka chiw ni Ruoth Nyasaye okinyi kokinyi nyaka chieng’.”

Tim jo-Lawi 27:34

Mago e chike mane Ruoth Nyasaye omiyo Musa e got Sinai mondo Musa omi jo-Israel.

Tim jo-Lawi 6:9

“Koro nyis Harun gi yawuote ni chik mar misango miwang’o pep ema: Misango miwang’o pep nyaka bed e kendo-mar-misango otieno duto nyaka okinyi, to bende mach nyaka sik ka liel kanyo.

Amos 5:25

“Apenjou, un jo-Israel, bende nutimona misengni, kendo ukelona chiwo kuom higni piero ang’wen mane utieko e thimgo duto?

Kwan 28:5

Misango mar cham michiwo kodgi to nobed mogo moromo kilo adek moruw gi mo maber moromo lita ariyo.

Kwan 28:7

To misango miolo piny mitimego nobed divai moromo lita ariyo kuom im ka im. Nyaka uol divai makechno ei Kama Ler ka misango ni Ruoth Nyasaye.

Jo-Filipi 2:17

Yie maru en misango muchiwo ni Nyasaye, omiyo kata ka obedo ni remba iolo kimedo e misangono, to berna, kendo adwaro mondo uduto ung’e kaka amor.