Kwan 28:4 - MUMA MALER 2015

⁴ Nyaim achiel unutimgo misango gokinyi, to machielo unutimgo misango godhiambo mar ang’ich welo.

Motingʼo Loko Manyien

⁴ Chiw nyarombo achiel gokinyi to machielo godhiambo,

Kwan 28:4 ပူးပေါင်းရင်းမြစ်များ

1 Ruodhi 18:29

Odiechieng’ nokadho, to ne gimedo dhumore nyaka sa michiwoe misango mar odhiambo. To ne onge dwoko, kata ng’ama dewo ywakgi.

1 Ruodhi 18:36

Kane sa michiwoe misango mar odhiambo ochopo, Elija janabi nosudo machiegni, mowacho niya, “Ruoth Nyasaye ma Nyasach Ibrahim, gi Isaka, kod Israel, yie mondo ji ong’e kawuono ni in e Nyasach Israel, kendo ni an e jatichni, mosetimo magi duto kaka iwacho.

1 Weche mag Ndalo 16:40

mondo gitim ni Ruoth Nyasaye misengni miwang’o pile okinyi godhiambo e kendo-mar-misango kaka ondiki e kitap chik mane Ruoth Nyasaye omiyo jo-Israel.

Zaburi 141:2

Lemona mondo obedni ka ubani miwang’o e nyimi, kendo bedena mating’o malo mondo obedni ka misango mar odhiambo.

Wuok 12:6

Kanuru chiayogo nyaka chop chieng’ mar apar gang’wen mar dueni, eka oganda jo-Israel duto mondo oneggi ka piny dwaro yuso.

Daniel 9:21

Kane pod alemo kamano, ng’at miluongo ni Gabriel, mane aseneno e fweny, ne ohuyo matek mobiro kuma antie. Ne en kar sa mitimoe misango mar odhiambo.

Joel 1:13

Un jodolo matimo misengni e kendo-mar-misango rwakuru pien gugru mondo uywagi! Ee, un jotich Nyasachwa, donjuru e Hekalu kendo ninduru kanyo e piende gugru otieno duto, nikech onge mogo kata divai e od Nyasachu ma unyalo timogo misango mar cham kata misango miolo piny.

Tim jo-Lawi 3:7

Ka im ema otimogo misango, to nyaka okele e nyim Ruoth Nyasaye,

Kwan 28:3

“Bende nyisgi ni misengni miwang’o ni Ruoth Nyasaye e magi: Odiechieng’ kodiechieng’ nyaka chiw nyiimbe ariyo maonge songa ma hikgi achiel achiel, mondo otimgo misango miwang’o pep.

Kwan 28:5

Misango mar cham michiwo kodgi to nobed mogo moromo kilo adek moruw gi mo maber moromo lita ariyo.

Kwan 9:3

Unutime godhiambo chieng due apar gang’wen mar dueni, kendo unutime pile e kinde moketneno, ka uluwo chikene duto.”