Kwan 28:3 - MUMA MALER 2015

³ “Bende nyisgi ni misengni miwang’o ni Ruoth Nyasaye e magi: Odiechieng’ kodiechieng’ nyaka chiw nyiimbe ariyo maonge songa ma hikgi achiel achiel, mondo otimgo misango miwang’o pep.

Motingʼo Loko Manyien

³ Wachnegi niya, ‘Misengini miwangʼo ne Jehova Nyasaye e magi: nyirombe ariyo ma jo-higa achiel maonge songa, kaka chiwo mapile mowangʼ odiechiengʼ kodiechiengʼ.

Kwan 28:3 ပူးပေါင်းရင်းမြစ်များ

1 Weche mag Ndalo 16:40

mondo gitim ni Ruoth Nyasaye misengni miwang’o pile okinyi godhiambo e kendo-mar-misango kaka ondiki e kitap chik mane Ruoth Nyasaye omiyo jo-Israel.

2 Weche mag Ndalo 8:13

Odiechieng’ kodiechieng’ notimo misengni koluwo chik Musa. Notimogi chieng’ ma due opor, kendo e ndalo sewni adek mag higa, ma gin Sap Makati ma ok ketie Thowi, gi Sap Jumbe, kod Sap Kiche.

Ezra 3:5

To bende ne gitimo misengni mapile, gi misengni mag Sabato gi mago mitimo ka due opor, kod mag sewni moko duto mowal ni Nyasaye, kendo ne gichiwo mich mane ji okelo ni Ruoth Nyasaye kuom herogi.

Daniel 11:31

Ogendini mage moko mag lweny nodwany Hekalu kod kuondene mochiel motegno, mi ginimi ji we timo misengni mitimo pile, kendo ginichung gima kuero makelo kethruok.

Daniel 12:11

“Chakre chieng’ ma ji nowee timo misengni mitimo pile, tiende ni chakre kinde ma ochungie gima kuero makelo kethruok, ndalo alufu achiel gi mia ariyo gi piero ochiko nokadhi.

Daniel 8:11

To bende nopiem gi jatend ogend lweny mag polo, mi nomiyo misengni mane itimo pile ni jatelono ogik, kendo omiyo lemo mar Hekalu bende ogik.

Daniel 8:13

Bang’e nawinjo ka malaika moro penjo malaika machielo niya, “Gik mane otimore e lwenygo biro siko kamano nyaka karang’o ka richo malich ema itimo kar misengni mitimo pile, kendo ka ogend lweny mag polo gi Hekalu inyono piny?”

Tim jo-Lawi 3:5

Joka Harun nowang’gi e kendo-mar-misango ewi misango miwang’o pep man e yien moket e mach mondo obed misango miwang’o madum mamit ni Ruoth Nyasaye.

Tim jo-Lawi 6:9

“Koro nyis Harun gi yawuote ni chik mar misango miwang’o pep ema: Misango miwang’o pep nyaka bed e kendo-mar-misango otieno duto nyaka okinyi, to bende mach nyaka sik ka liel kanyo.

Amos 4:4

Ruoth Nyasaye owacho niya, “Un jo-Israel, kara dhiuru Bethel mondo utim atima richo e hekalu, kendo dhiuru Gilgal mondo utim richo kuno gi tekreu duto! Keluru jamni mondo utimgo misengni okinyi kokinyi, kendo keluru chiwo mar achiel kuom apar chieng’ mar adek ka chieng’ mar adek.

Kwan 28:10

Misango miwang’o pep mitimo chieng’ sabato ka sabatono nyaka utim kumedo ewi misango miwang’o pep mitimo pile, kod misango miolo piny mitimego.

Kwan 28:15

Bende nyaka uchiw nywok mondo otimnigo Ruoth Nyasaye misango mar golo richo. Mano nyaka utim kumedo ewi misango miolo piny michiwego.

Kwan 28:23

Mago duto nyaka uchiw kumedo ewi misango miwang’o pep mitimo gokinyi pile.

Kwan 28:24

Unutim misengnigo pile nyaka chieng’ mar abiriyo. En misango mitimo mondo obed chiemo madum tik mamit ni Ruoth Nyasaye. Nyaka uchiwe kumedo ewi misango miwang’o pep mitimo pile, kod misango miolo piny michiwego.

Kwan 28:31

Jamnigo duto nyaka bed maonge songa, kendo misengnigo duto nyaka utim kumedo ewi misengni miwang’o pep mitimo pile, kaachiel gi misango miolo piny michiwogigo.

Kwan 28:4

Nyaim achiel unutimgo misango gokinyi, to machielo unutimgo misango godhiambo mar ang’ich welo.

Kwan 29:11

Bende nyaka uchiw nywok mondo otimgo misango mar golo richo, kumedo ewi misango mipwodhogo richo, kod misango miwang’o pep mitimo pile, kaachiel gi misango mar cham kod miolo piny michiwo kodgi.

Kwan 29:16

Bende nyaka uchiw nywok mondo otimgo misango mar golo richo, kumedo ewi misango miwang’o pep mitimo pile, kaachiel gi misango mar cham kod miolo piny michiwego.

Kwan 29:6

Mago duto nyaka utim kumedo ewi misango miwang’o pep mitimo due ka due, kendo mitimo pile, kaachiel gi misengni mag cham gi miolo piny, michiwogigo kaka chik dwaro. En misango miwang’o mondo odum tik mamit ni Ruoth Nyasaye.

Johana 1:29

Kinyne, Johana noneno Yesu kabiro ire, mowacho ni, “Neuru! Jalcha e Nyarombo Nyasaye, magolo richo mag piny!

Jo-Hibrania 9:6

Kamano e kaka ne ochan gigo. Jodolo donjo e hema maoko pile, kendo tiyo tijegi mag lemo.

Fweny 13:8

Ji duto modak e piny lame, mak mana jogo ma nyinggi ondiki e kitap ngima mar Nyarombo mane onegi, chakre chuech piny.