Kwan 28:25 - MUMA MALER 2015

²⁵ Chieng’ mar abiriyo bende nyaka ubed gi chokruok maler, kendo ok unuti tijeu mapile.

Motingʼo Loko Manyien

²⁵ E odiechiengʼ mar abiriyo losuru chokruok mowal kendo kik uti tich moro amora mutiyo pile.

Kwan 28:25 ပူးပေါင်းရင်းမြစ်များ

Wuok 12:16

Chieng’ mokwongo kod chieng’ mar abiriyo, nyaka utim chokruok moyiedhi. Kuom ndalo ariyogo kik uti tich moro mak mana tij loso chiemo.

Wuok 13:6

Nyaka ucham makati ma ok ketie thowi kuom ndalo abiriyo, to chieng’ mar abiriyo utim sawo ni Ruoth Nyasaye.

Tim jo-Lawi 23:21

Unugo milome mar chokruok maler chieng’ onogo, kendo ok unuti tijeu mapile. Mano en chik momakou gi nyikwau nyaka chieng’, kamoro amora mudakie.

Tim jo-Lawi 23:25

Kik utim tijeu mapile, to chiwuru ni Ruoth Nyasaye misango miwang’o.”

Tim jo-Lawi 23:3

Unuti tijeu kuom ndalo auchiel, to chieng’ mar abiriyo en chieng’ yueyo moyiedhi. En odiechieng chokruok maler, ma kik utimie tich moro amora, nikech en sabato mar Ruoth Nyasaye kuonde duto mudakie.

Tim jo-Lawi 23:7

Chieng’ mokwongo mar jumano, unubed gi chokruok maler, kendo ok unuti tijeu ma pile.

Tim jo-Lawi 23:8

Unuchiw ni Ruoth Nyasaye misengni miwang’o kuom ndalo abiriyo. Chieng’ mar abiriyo bende nobedie chokruok maler, kendo ok unuti tijeu mapile.”

Kwan 28:18

Chieng’ mokwongo to nyaka ubed gi chokruok mar lemo, kendo ok unuti tijeu mapile chieng’no.

Kwan 28:26

“Chieng’ muchiwoe chamb gwel, ka ukelo ni Ruoth Nyasaye chiwo mar cham manyien e Sap Jumbe, to nyaka ubed gi chokruok maler, kendo ok nuti tijeu mapile.

Kwan 29:1

“Due achiel due mar abiriyo, nyaka ubed gi chokruok mar lemo, kendo ok unuti tijeu mapile. Mano en chieng’ mor mugoyoe tung.’

Kwan 29:12

“Due apar gabich due mar abiriyo, nyaka ubed gi chokruok mar lemo. Ok unuti tijeu mapile, to nyaka utim ni Ruoth Nyasaye sawo kuom ndalo abiriyo.

Kwan 29:35

“Chieng’ mar aboro unutim nyasi mitiekogo chokruok, kendo ok unuti tijeu mapile.

Rapar mar Chik 16:8

Chamuru makati ma ok ketie thowi kuom ndalo auchiel, to chieng’ mar abiriyo nyaka ubed gi chokruok kaka Ruoth Nyasaye ma Nyasachu dwaro, kendo kik uti tich moro amora chieng’no.