Kwan 28:24 - MUMA MALER 2015

²⁴ Unutim misengnigo pile nyaka chieng’ mar abiriyo. En misango mitimo mondo obed chiemo madum tik mamit ni Ruoth Nyasaye. Nyaka uchiwe kumedo ewi misango miwang’o pep mitimo pile, kod misango miolo piny michiwego.

Motingʼo Loko Manyien

²⁴ Kamano bende kelnauru chiwo mitimogo misengini miwangʼo pile pile kuom ndalo abiriyo mondo chiemba odungʼ tik mangʼwe ngʼar ni Jehova Nyasaye; kendo nyaka ulose kumedo gi misango miwangʼo pep mapile pile kod misango miolo piny.

Kwan 28:24 ပူးပေါင်းရင်းမြစ်များ

Wuok 29:40

Kichiwo nyarombo mokwongo, to nyaka ichiw bende mogo mayom moromo ondweto, moruw gi mo maliw moromo lita ariyo. To bende nyaka ichiw divai moromo lita ariyo, ka misango miolo piny.

Ezekiel 45:23

To odiechieng’ kodiechieng’ mar ndalo abiriyo mag sawogo, nyaka ochiw ni Ruoth Nyasaye ruedhi abiriyo kod imbe abiriyo maonge songa, ka misango miwang’o pep. Bende nyaka ochiw nywok odiecheng’ kodiechieng’ ka misango mar golo richo.

Tim jo-Lawi 3:11

Jadolo nowang’ mago duto e kendo-mar-misango ka chiemo michiwo ni Ruoth Nyasaye.

Kwan 28:3

“Bende nyisgi ni misengni miwang’o ni Ruoth Nyasaye e magi: Odiechieng’ kodiechieng’ nyaka chiw nyiimbe ariyo maonge songa ma hikgi achiel achiel, mondo otimgo misango miwang’o pep.

Jo-Hibrania 10:11

Jodolo duto mag jo-Yahudi chung’ katiyo tich lemo odiechieng’, kendo ginwoyo mana misengni ma gitimo pile, ma ok nyal golo richo kata matin.