Kwan 28:2 - MUMA MALER 2015

² Chik jo-Israel mondo ochiw gik mitimonago misengni miwang’o mondo obed chiemba madum tik mamit e kinde moketi.

Motingʼo Loko Manyien

² “Mi jo-Israel chikni kiwachonegi kama: ‘Kelnauru chiwo mitimonago misengini miwangʼo pep mondo obed chiemba madum tik mangʼwe ngʼar e kinde mowinjore.’

Kwan 28:2 ပူးပေါင်းရင်းမြစ်များ

Chakruok 8:21

Kane Ruoth Nyasaye owinjo suya mamit, nowacho e chunye niya, “Timbe dhano ok nomi akuong’ piny kendo, nikech aneno ni paro mag dhano richo, chakre nywolne. Bende ok nachak atiek gik mangima kaka asetimoni.”

1 Weche mag Ndalo 23:31

Ne gikonyo bende joma ne timo misango miwang’o pep ni Ruoth Nyasaye e ndalo Sabato, kendo ka due opor, kendo en ndalo moketi, kaka nochan-gi.

2 Weche mag Ndalo 23:18

Jehoyada noketo jorit e Od Ruoth Nyasaye e bwo jodolo gi jo-Lawi. Daudi nosechano jodolo gi jo-Lawi mondo orit Od Ruoth Nyasaye, kendo omiye misengni miwang’o pep, kaka ondiki e chik Musa, ka giwero wende mor kaluwore gi chik mane en owuon ogolo.

2 Weche mag Ndalo 31:3

Ruoth ne golo kuom mwandune owuon gik mitimogo misengni miwang’o pep okinyi godhiambo, kod miwang’o e ndalo mag Sabato, kendo ka due opor, kendo e ndalo mag sewni moketi, kaka ondiki e chik Ruoth Nyasaye.

Ezra 3:2

Eka Joshua wuod Jozadak gi jodolo wetene kod Zerubabel wuod Shealtiel gi owetene ne jogero kendo-mar-misango mar Nyasach Israel, mondo otimie misengni miwang’o pep, kaka ondiki e chik Musa ng’at Nyasaye.

Ezra 3:3

Mokwongo ne gichungo kendo-mar-misango kare machon, nikech ne giluoro joma koro nodak e pinyno, mi gitimoe ni Ruoth Nyasaye misengni miwang’o pep, okinyi godhiambo.

Nehemia 10:34

“Wan jodolo gi jo-Lawi, kaachiel gi ji mamoko, wasegoyo ombulu kwapogogo tich kelo yien miwang’ogo misango e kind dhoutwa, mondo dhoot ka dhoot okel yien e Od Nyasachwa, kaka ondiki e chik.

Zaburi 81:3

Gouru tung’ ka due opor, kendo ka due otegno, kunyisogo ni gin ndalo mag nyasi.

Wuok 23:15

Unurit Sap Makati ma ok ketie Thowi kaka nachikou, kuchamo makati ma ok ketie thowi kuom ndalo abiriyo e kinde moketie e due mar Abib, ni mar dueno ema ne uae Misri. Kik ng’ato bi e nyima gi lwete nono.

Wuok 29:18

Eka iwang’ imno duto e kendo-mar-misango. Mano en misango miwang’o pep ni Ruoth Nyasaye. En tik mang’ue ng’ar moa kuom misango miwang’o ni Ruoth Nyasaye.

Ezekiel 16:19

Ne ikawo mogo mayomie moloyo, kaachiel gi mor zeituni kod mor kich mane asemiyi, mi ichiwo ka misango ni nyiseche manonogo, mondo gibed mamor kodi. An Ruoth Nyasaye ema awacho kamano.

Ezekiel 20:41

Ka asegolou e pinje mane okeue, mi achokou kanyakla, to anayie misengni mang’ue ng’ar ma uwang’o. Ka ulama kamano, to ogendini nong’e ni an Nyasaye maler,

Ezekiel 45:17

En ema nobed kochiwo jamni mitimogo misengni mag cham kod mago miolo piny, ni oganda duto mar Israel e sewni duto, koda ka sewni mitimo ka due opor, kod mitimo ndalo Sabato. Bende en ema nobed kochiwo misengni mag golo richo kod misengni mag cham gi mago miwang’o pep kod mag sawo mondo opwodhgo richo mag jo-Israel.”

Tim jo-Lawi 1:13

Jambich gi tielo to nyaka lwok gi pi, eka jadolo nochiwgi kaachiel gi lemo duto e kendo-mar-misango mondo otimgo misango miwang’o pep ma tikne dum mamit ni Ruoth Nyasaye.

Tim jo-Lawi 1:17

Nyaka obambe ma ok ogolo buombene oko, eka owang’e ewi yien moket e mach manie kendo-mar-misango. En misango miwang’o pep, madum mamit ni Ruoth Nyasaye.

Tim jo-Lawi 1:9

Jambich gi tielo to nyaka lwok gi pi, eka jadolo nowang’gi kaachiel gi lemo duto e kendo-mar-misango, kotimogo misango miwang’o pep, mondo odum mamit ni Ruoth Nyasaye.

Tim jo-Lawi 21:6

Nyaka gibed joma owal ni Nyasachgi, kendo kik gicha nying Nyasachgi, nikech gin ema gitimo misengni miwang’o ni Ruoth Nyasaye. Misengnigo gin chiemb Nyasachgi, emomiyo nyaka gibed maler.

Tim jo-Lawi 21:8

Unuwale ni Ruoth Nyasaye, nikech en e jachiw chiemo ni Nyasachu. Nyaka ukwane ka ng’ama ler nikech an Ruoth Nyasaye ma apuodho jodolo, aler.

Tim jo-Lawi 3:11

Jadolo nowang’ mago duto e kendo-mar-misango ka chiemo michiwo ni Ruoth Nyasaye.

Malaki 1:12

To uchaya, kuparo ni kendona mar misango en kama odwanyore, ma unyalo chiwoe chiemo moro amora.

Malaki 1:7

Usejara kuom chiwo chiemo ma chik ok oyiego e kendona mar misango, to eka upenja ni ere kaka ok usemiya luor! To usejara kuchayo kendona mar misango.

Kwan 15:24

to ma e gima nyaka utim. Ka oganda duto ema oketho ka kia kamano, to nyaka gichiw nyarwath mondo gitimgo misango miwang’o pep mondo odum mamit ni Ruoth Nyasaye, kaachiel gi misango mar cham kaachiel gi miolo piny mitimego kaka chik dwaro. Bende nyaka gichiw nywok mondo gitimgo misango mar golo richo.

Kwan 15:3

to unutim ni Ruoth Nyasaye misengni miwang’o. Ginyalo bedo misengni miwang’o pep, kata misengni michopogo kuong’ruok, kata ma ng’ato timo kuom herone, kata mitimo e ndalo mag sewni moketi. Ka uwang’o ni Ruoth Nyasaye jambu ka misango ma dum tik mamit kamano,

Kwan 15:7

kendo divai mitimogo misango miolo piny nyaka bed moromo lita adek. Kamano e kaka unutim ni Ruoth Nyasaye misango madum tik mamit.

Kwan 28:1

Ruoth Nyasaye nowacho ni Musa niya,

Kwan 29:39

“Mago e misengni ma nyaka utim ni Ruoth Nyasaye e sewni moketi, kumedo ewi misengni muchopogo kuong’ruok, gi muchiwo kuom herou, gi miwang’o pep gi mag cham gi miolo piny kod mag sawo.”

Kwan 9:13

Ka nga’to odagi timo pasaka, to ok ogak, kata ok odhi e wuoth kuma bor, to nyaka ng’ad kare oko kuom ogandagi, nikech ok osekelo ni Ruoth Nyasaye chiwo e kinde moketi. Ng’at ma kamano noyud kum kuom kethone.

Kwan 9:7

mi giwacho niya, “Wagak, nikech wasemulo ng’at motho. To koro mano dimonwa kelo ni Ruoth Nyasaye chiwowa chieng’ moketi, kaachiel gi jo-Israel mamoko koso?”

2 Jo-Korintho 2:15

Wachalo gi ubani mang’ue ng’ar mar misango ma Kristo ochiwo ni Nyasaye, malandore e kind joma ireso kod joma lal.

Jo-Efeso 5:2

Beduru gi hera, mana kaka Kristo noherowa, mi ochiwonwa ngimane obedo misango madum tik mamit ni Nyasaye.

Jo-Filipi 4:18

Koro andikonu risit! Eri, an gi gik moko duto ma adwaro, kendo mokadho kanyo, ka koro Epafrodito osekelona chiwo mane uorona. Chiwouno en misango madum tik mang’ue mamit, ma Nyasaye oyiego, kendo long’one.