Kwan 28:11 - MUMA MALER 2015

¹¹ “To chieng’ due achiel mar due ka due nyaka uchiw nyiruedhi ariyo gi im achiel kod nyiimbe abiriyo ma hikgi achiel achiel mondo otimgo misango miwang’o pep. Jamnigo duto nyaka bed maonge songa.

Motingʼo Loko Manyien

¹¹ “ ‘Odiechiengʼ mokwongo mar dwe ka dwe, chiwne Jehova Nyasaye misango miwangʼo pep mar nyirwedhi ariyo, im achiel kod nyiimbe abiriyo moromo higa achiel, duto maonge songa.

Kwan 28:11 ပူးပေါင်းရင်းမြစ်များ

2 Ruodhi 4:23

Chwore nopenje niya, “Ang’o momiyo idwaro dhi ire kawuono? Due pok opor, bende ok en chieng’ Sabato.” Nodwoke ni, “Adhi adhiya.”

1 Weche mag Ndalo 23:31

Ne gikonyo bende joma ne timo misango miwang’o pep ni Ruoth Nyasaye e ndalo Sabato, kendo ka due opor, kendo en ndalo moketi, kaka nochan-gi.

2 Weche mag Ndalo 2:3

Solomon nooro ni Hiram ruodh Turo wach niya, “Kaka nitimo ni Daudi wuora, kikowone yiend sida mondo ogergo ode, yie itimna kamano an bende,

2 Weche mag Ndalo 2:4

nimar adwaro gero ot moyang ni Ruoth Nyasaye ma Nyasacha, kama jodolo nowang’ie ubani mang’we ng’ar e nyim Ruoth Nyasaye, kendo nochiwie makati miketo e nyime pile, kendo notimie misengni miwang’o pep okinyi godhiambo, kod miwang’o e ndalo mag Sabato, kendo ka due por, kendo e ndalo sewni ma Ruoth Nyasaye oseketo ni Israel nyaka chieng’.

2 Weche mag Ndalo 8:13

Odiechieng’ kodiechieng’ notimo misengni koluwo chik Musa. Notimogi chieng’ ma due opor, kendo e ndalo sewni adek mag higa, ma gin Sap Makati ma ok ketie Thowi, gi Sap Jumbe, kod Sap Kiche.

Ezra 3:5

To bende ne gitimo misengni mapile, gi misengni mag Sabato gi mago mitimo ka due opor, kod mag sewni moko duto mowal ni Nyasaye, kendo ne gichiwo mich mane ji okelo ni Ruoth Nyasaye kuom herogi.

Nehemia 10:33

mibiro ng’iewogo makati miketo e nyim Nyasaye pile, gi misango mar cham mitimo pile, gi misengni miwang’o pep, kod misengni mamoko mitimo chieng’ Sabato gi ndalo ma due opor, kod ndalo sewni, kendo ni tich misengni mamoko gi misengni migologo richo mag jo-Israel, kendo ni tich duto mag Od Nyasachwa.

Zaburi 40:6

Ok misango kod chiwo ema imorgo to isemiya it mondo awinji. Misengni miwang’o pep, kod misengni mag golo richo, bende ne ok idwaro.

Zaburi 40:8

Amor ahinya ka atimo gima idwaro. Ee, akano chikni e chunya.”

Zaburi 81:3

Gouru tung’ ka due opor, kendo ka due otegno, kunyisogo ni gin ndalo mag nyasi.

Zaburi 81:4

Mano e chik Israel mane Nyasach Jakobo ogolo.

Isaya 66:23

E kinde ka kinde ma due opor, kendo chieng’ Sabato ka chieng’ Sabato, ji duto nobi e nyima mondo olama. Ruoth Nyasaye ema owacho kamano.

Ezekiel 46:1

Ruoth Nyasaye nowacho niya, “Dhorangach ma yo wuokchieng’ midonjogo e laru maiye nyaka bed kolor kuom ndalo auchiel ma ji tiyoe, to nyaka yawe chieng’ Sabato ka Sabato, kod ndalo ka ndalo ma due oporie.

Ezekiel 46:6

Ka due opor, to nyaka ochiw nyarwath gi nyirombe auchiel kod im achiel, duto maonge songa.

Ezekiel 46:7

Misango mar cham nyaka bed moromo debe achiel kuom rwath ka rwath gi im ka im, to kuom nyarombo ka nyarombo, onyalo chiwoe cham mang’eny kaka en ema ohero. Kuom debe ka debe mar cham to nyaka ochiw mor zeituni moromo lita ang’wen.

Hosea 2:11

Anatiek mor duto moneno, kod chokruokne duto mag lemo, kaka sewni motimo higa ka higa, gi sewni motimo due ka due, kod nyasi motimo juma ka juma.

Tim jo-Lawi 1:13

Jambich gi tielo to nyaka lwok gi pi, eka jadolo nochiwgi kaachiel gi lemo duto e kendo-mar-misango mondo otimgo misango miwang’o pep ma tikne dum mamit ni Ruoth Nyasaye.

Tim jo-Lawi 1:3

Ka ng’ato chiwo dhiang’ mondo otimgo misango miwang’o pep, to nyaka obed rwath maonge songa. Enochiwe e dhoranga Hemb Romo e nyim Ruoth Nyasaye mondo Ruoth Nyasaye oyie kode.

Tim jo-Lawi 1:9

Jambich gi tielo to nyaka lwok gi pi, eka jadolo nowang’gi kaachiel gi lemo duto e kendo-mar-misango, kotimogo misango miwang’o pep, mondo odum mamit ni Ruoth Nyasaye.

Amos 3:5

“Bende winyo nyalo moko e obadho ka ok oketne kudni? Koso obadho nyalo meko ka onge gima otuge?

Amos 8:5

Uwacho kendu uwegi niya, “Mad ndalo mag lemo mar due manyien rum piyo, mondo waus cham.” Bende upenjoru niya, “Ndalo mag Sabato biro rumo karang’o, mondo wagol chambwa warundi? Eka wanyalo keto nengo mamalo, kendo tiyo gi rapim ma ok ni kare mondo wawuondgo jong’iewo!

Kwan 10:10

E kinde ma utimoe nyasi, gi ndalo moketi mutimoe sewni, kod chieng’ mokwongo mar due ka due, unugo tung’ kutimo misengni miwang’o pep, kod misengni mag sawo, mi tungego nomi Ruoth Nyasaye ma Nyasachu paru. An e Ruoth Nyasaye ma Nyasachu.”

Kwan 28:19

Nyaka uchiw nyiruedhi ariyo gi im achiel kod nyiimbe abiriyo ma hikgi achiel achiel mondo otimgo misango miwang’o pep, madum tik mamit ni Ruoth Nyasaye. Jamnigo duto nyaka bed maonge songa.

Jo-Galatia 4:10

Ka urito ndalo gi dueye gi higni kamano,

Jo-Kolosai 2:16

Kuom mano, kik uwe ng’ato ketnu chik kuom gik ma uchamo kata gik mumadho, kata kuom wach sawo moro, kata kuom rito ndalo mag due mopor kata Sabato.

Jo-Kolosai 2:6

Kaka userwako Kristo ka ruoth, kamano bende e kaka onego udag kuome.

1 Samuel 20:5

Daudi nodwoke niya, “Kiny due nopor, kendo owinjore abed gi ruoth e chiemo. To we adhi apond e lek nyaka chop odhiambo mar chieng’ mar adek.

1 Samuel 9:12

Nyigo nodwokogi ni, “Ee, en nyimu kanyo. Returu, koroni eka odonjo dala, nikech jodalano timo misango kawuono e hembko man kama oting’ore.