Kwan 27:18 - MUMA MALER 2015

¹⁸ Ruoth Nyasaye nodwoko Musa niya, “Kaw Joshua wuod Nun, ng’at ma teko ni kuome, mondo iket lweti kuome,

Motingʼo Loko Manyien

¹⁸ Omiyo Jehova Nyasaye nowacho ne Musa niya, “Kaw Joshua wuod Nun, ngʼat man-gi Roho, kendo yie lweti kuome.

Kwan 27:18 ပူးပေါင်းရင်းမြစ်များ

Chakruok 41:38

mi nopenjogi niya, “Ere kuma wanyalo yudoe ng’at moro machielo, man gi Roho mar Nyasaye machal gi jali?”

1 Weche mag Ndalo 7:27

to Elishama nonywolo Nun, to Nun nonywolo Joshua.

Wuok 17:9

Mi Musa nowacho ni Joshua niya, “Yier jomoko mondo kiny udhi ukednwago gi jo-Amalek. An to abiro chung’ ewi got kating’o luth mane Nyasaye omiya.”

Daniel 5:14

Asewinjo ni much nyiseche ni kuomi, kendo ni in ng’at mariek mong’eyo gik matut.

Kwan 11:17

Abiro lor mondo awuo kodi, kendo abiro kawo kuomi teko moko mane amiyi, mondo ami jogo okonyi rito oganda, mi ting’no ok noturi.

Kwan 13:16

Mago e nying joma Musa nooro mondo odhi ocheng piny Kanaan, to Hoshea wuod Nun to nochako ni Joshua.

Kwan 13:8

E dhood jo-Efraim, ne en Hoshea wuod Nun;

Kwan 27:23

moyieyo lwete kuome, kendo omiye chik kaka Ruoth Nyasaye nosechike.

Johana 3:34

Jal mane Nyasaye ooro wacho mana weche Nyasaye, nimar Nyasaye chiwo Roho mogundho, ma ok ong’wonyo lwete.

Tich Joote 13:3

Eka ne gimedo lemo, kendo gitueyo chiemo, bang’e ne giyieyo lwetgi kuom Barnaba gi Saulo, mi giweyogi gidhi.

Tich Joote 19:6

Eka Paulo noketo lwete kuomgi, mi Roho Maler obiro kuomgi. Ne giwuoyo gi dhok mayoreyore, kendo ne gihulo weche moa kuom Nyasaye.

Tich Joote 6:3

Omiyo owetewa, yieruru ji abiriyo kuomu mung’eyo ni riek kendo ogen, bende mopong’ gi Roho Maler, mondo waket e tijni.

Tich Joote 6:6

Ne gikelo jogi e nyim joote, mi joote nolemonigi, kendo oyieyo luetgi kuomgi.

Rapar mar Chik 1:37

Gima nutimono nomiyo Ruoth Nyasaye okecho koda an bende, mowachona niya, ‘Kata in bende ok inidonji e pinyno,

Rapar mar Chik 3:21

“Chieng’no bende nachiko Joshua niya, ‘Nuneno gi wang’u gima Ruoth Nyasaye ma Nyasachu notimo ni ruodhi ariyo kande. Ruoth Nyasaye biro timo mana kamano ni pinje duto mubiro donjoe kuseng’ado aora Jordan.

Rapar mar Chik 3:28

Ket Joshua mondo okaw kari. Ijiwe kendo imiye teko, nimar en ema obiro telo ni jogi, koterogi loka cha mondo gikaw piny minenono.’

Rapar mar Chik 31:14

Ruoth Nyasaye nowacho ni Musa niya, “Ibiro tho machiegni, omiyo luong Joshua udhi e Hemb Romo mondo akete e tich.” Omiyo Musa gi Joshua ne jodhi kaka nowachnigi,

Rapar mar Chik 31:23

Ruoth Nyasaye nochiko Joshua wuod Nun niya, “Bed gi chir, kendo gi jing’o, nikech in ema nitelni jo-Israel ka gidhi e piny mane asingora ni namigi kendo anabed kodi.”

Rapar mar Chik 31:3

Ruoth Nyasaye ma Nyasachu owuon biro telo nyimu mondo otiek ogendini mudhi kawo pinygigo, mi unudag e pinygi, kendo Joshua notelnu kaka Ruoth Nyasaye osewacho.

Rapar mar Chik 34:9

Joshua wuod Nun nomi rieko mathoth, nikech Musa noseyieyo lwete kuome, mi jo-Israel nowinje, motimo gik mane Ruoth Nyasaye ochiko Musa.

1 Timotheo 4:14

Kik ijwang’ mich mar Roho mane iyudo kane okor wach kuomi e kinde mane jodongo oyieyoe luetgi kuomi.

1 Timotheo 5:22

Kik irikni yieyo lwedo kuom ng’ato kikete e tich telo, nikech dipo ka iriwori kode e richone moro, to ritri ibed maler.

Jo-Hibrania 6:2

Wasepuonjou weche mag lwok mopogore opogore, gi yieyo lwedo kuom ji, gi chir mar joma otho, kod kum mochwere.

Joshua 1:17

Wanawinji kaka ne wawinjo Musa, to Nyasaye mondo obed kodi kaka nobedo gi Musa!

Jong’ad Bura 11:29

Much Ruoth Nyasaye nobiro kuom Jeftha, mi nowuotho e Gilead gi Manase, moduogo nyaka Mizpa e Gilead. Koa kanyo nodhi mondo omonj jo-Amon.

Jong’ad Bura 3:10

Much Ruoth Nyasaye nobiro kuome, mi nobedo jatend jo-Israel. Nodhi kedo gi Kushan-rishathaim ma ruodh Mesopotamia, mi noloyo, nikech Ruoth Nyasaye nochiwo ruodhno e lwete.

1 Samuel 16:18

Eka achiel kuom jotichne nodwoke niya, “Ang’eyo wuowi moro ma wuod Jesse ja-Bethlehem, molony e goyo thum. En ng’at ma jachir, kendo ma ratego e lweny. Ong’eyo wuoyo, kendo en jaber. Ruoth Nyasaye bende ni kode.”