Kwan 25:5 - MUMA MALER 2015

⁵ Omiyo Musa nowacho ni jong’ad bura mag Israel niya, “Ng’ato ka ng’ato kuomu nyaka neg joge moselamo Baal-peor.”

Motingʼo Loko Manyien

⁵ Omiyo Musa nowacho ne jongʼad bura mag Israel niya, “Ngʼato ka ngʼato kuomu nyaka neg jou machwo ma oseriwore e lamo Baal mar Peor.”

Kwan 25:5 ပူးပေါင်းရင်းမြစ်များ

1 Ruodhi 18:40

Elija nokonogi niya, “Makuru jonabi mag Baal. Kik uwe kata achiel tony.” Ne gimakogi, mi Elija noterogi mwalo e aora Kishon, monegogi kuno.

Wuok 18:21

To nyaka iyier ji mariek kendo moluoro Nyasaye kuom ji duto. Nyaka gibed joadiera, kendo ma ok nyal chamo asoya. Gin ema mondo iketgi jotend ji. Jomoko kuomgi onego rit ji alufu achiel achiel, to moko ji mia mia, kendo moko ji piero abich abich, to moko ji apar apar.

Wuok 22:20

“Ng’ato motimo liswa ni nyasaye moro, ma ok Ruoth Nyasaye, nyaka negi.

Kwan 25:3

Kane jo-Israel ochako lamo Baal-peor kamano, Ruoth Nyasaye nokecho kodgi.

Rapar mar Chik 13:13

ka giwachonigi ni mondo gidhi gilam nyiseche mamoko ma un ok ung’eyo,

Rapar mar Chik 13:15

to nyaka uneg joma odak e dalano duto kaachiel gi dhok, kendo uketh chuth gik moko duto manie dalano.

Rapar mar Chik 13:6

“Ka owadu hie kata wuodi kata nyari kata chiegi mihero, kata mana osiepni migeno osemi ling’ling’ kawachoni ni mondo idhi ilam nyiseche mamoko ma in ok ing’eyo kata ma kwereni bende ne ok ong’eyo,

Rapar mar Chik 13:9

In ema nyaka ikwong keto lweti kuome, eka bang’e jou duto nokonyi nege.

Joshua 22:17

Paruru richo mane watimo Peor, kod kum mane Ryoth Nyasaye omiyowa, ma pok orumo nyaka chil kawuono.