Kwan 25:13 - MUMA MALER 2015

¹³ Asingorane, en kaachiel gi nyikwaye ni ginibed jodolo nyaka chieng’ nikech osebedo gi mirima ma nyiso ni ohero Nyasache, mi opwodho jo-Israel kuom richogi.”

Motingʼo Loko Manyien

¹³ Asingorane ni en kod nyikwaye ginibed jodolo maga nyaka chiengʼ, nikech ne en jasinani kuom miyo Nyasache duongʼ kendo negichiwo misango mar pwodho jo-Israel e richo.”

Kwan 25:13 ပူးပေါင်းရင်းမြစ်များ

2 Samuel 21:3

Daudi nopenjo jo-Gibeon niya, “Ere gima anyalo timonu? Ere kaka dagol richono, mondo umi hawi oduog ni jo-Ruoth Nyasaye?”

1 Ruodhi 19:10

Nodwoko niya, “A Ruoth Nyasaye Manyalo Gik Moko Duto, asetiyoni gi kinda nikech hera maduong’ maherigo, to jo-Israel ok oserito singruok mane itimo kodgi. Gisemuko kendeni mag misango, kendo gisenego jonabi magi, mak mana an ema adong’, to koro gidwaro nega.”

1 Ruodhi 19:14

Nodwoko ni, “A Ruoth Nyasaye Manyalo Gik Moko Duto, asetiyoni gi kinda, to jo-Israel ok oserito singruok mane itimo kodgi. Gisemuko kendeni mag misango, kendo gisenego jonabi magi; mak mana an ema odong’, to koro gidwaro nega.”

1 Ruodhi 2:27

Omiyo Solomon nogolo Abiathar ni kik obed jadolo mar Ruoth Nyasaye. Kamano wach mane Ruoth Nyasaye owacho Shilo kuom od Eli nochopo kare.

Nehemia 13:29

A Nyasacha, par kaka gisechido tich dolo, kendo ketho kuong’ruok ma jodolo gi jo-Lawi timo.

Zaburi 106:31

Gima notimono osemiyo ikwane ka ng’ama kare kendo pod ibiro kwane kamano kuom tienge duto mabiro.

Zaburi 119:139

Mirima wang’o iya ka mach, nikech wasika ok dew chikeni.

Zaburi 69:9

Hera ma aherogo Hekalu mari wang’o chunya ka mach, kendo ayany ma ji yanyigo ema koro iyanyago.

Wuok 29:9

kendo ituenigi okanda e nungogi, bende isidhnigi kilemba. Mano e kaka iniket Harun gi yawuote e tichgi, kendo ginibed jodolo mosiko nyaka chieng’.

Wuok 32:30

Kinyne Musa nowacho ni ji niya, “Usetimo richo maduong’. To koro abiro idho got, mondo adhi ir Ruoth Nyasaye. Kamoro onyalo yie weyonu richou ka akwaye.”

Wuok 40:15

Wirgi mana kaka isewiro wuon-gi, mondo gin bende gibed jodolona. Wirno biro miyo gibedo jodolona kaachiel gi nyikwagi kuom tiengegi duto nyaka chieng’.”

Isaya 61:6

To un, noluongu ni, ‘Jodolo mag Ruoth Nyasaye’, kendo ni, ‘Jotich Nyasachwa’. Unucham mwandu mag ogendini mamoko, bende unukaw gigi mabeyo, mi ukonyrugo.

Jeremia 33:18

kendo pile nobedie jodolo ma jo-Lawi ka tiyo e nyima, kendo kachiwo misengni miwang’o pep gi mag mogo kaachiel gi misengni mamoko.”

Jeremia 33:22

Abiro miyo nyikwa Daudi jatichna kod jodolo ma jo-Lawi ma tiyona nya, mondo gibed mang’eny ma ok nyal kwan, mana ka sulue manie polo kata ka kuoyo mae dhonam.”

Tim jo-Lawi 15:15

Jadolo nokaw akuru achiel, mi notimgo misango mar golo richo, to machielo notimgo misango miwang’o pep. Kamano nopwodh ng’atno e nyim Ruoth Nyasaye, kaka chik dwaro kuom gak mar chuer.

Malaki 2:8

To un jodolo usebaro, muweyo yo makare. Puonj maru osemiyo ji mang’eny ochwanyore. Bende un jo-Lawi, useketho singruok mane atimo kodu.

Kwan 16:46

Eka Musa nowacho ni Harun niya, “Kaw tapi mar ubani iketie mach moa e kendo-mar-misango, kendo iolie ubani, mi idhi kode piyopiyo ir oganda mondo ipwodhnigi richogi. Mirima mager mar Ruoth Nyasaye osechopo, kendo tho osechako nego ji.”

Kwan 16:47

Omiyo Harun nokawo tape mar ubani kaka Musa nochike, mi noringo odhi ir oganda jo-Israel, kendo noyudo ka tho osechako nego ji adier. Ne oketo ubani e tawo, mi opwodho ni ji richogi,

Kwan 17:12

Bang’e jo-Israel nowacho ni Musa niya, “Waserwenyo! Waduto warumo!

Kwan 25:14

Ja-Israel mane onegi kaachiel gi nyar Midian niluongo ni Zimri wuod Salu ma jatend dhoot achiel kuom dhout jo-Simeon.

Johana 2:17

Mano nomiyo jopuonjrene oparo wach mondiki e Muma ni, “A Nyasaye, hera ma aherogo Hekalu mari wang’o chunya ka mach.”

Jo-Hibrania 2:17

Mano emomiyo nyaka ne obed machalo gi owetene e yore duto, mondo odog jadolo maduong’ mang’won kendo maradier, matiyo e nyim Nyasaye, katimo misango migologo richo mag jo-Nyasaye.

Jo-Hibrania 7:11

Chik mane omi jo-Israel notenore kuom tich dolo mar jo-Lawi. To ka dine bed ni tich dolo mar jo-Lawi ochopo tichne maonge gima orem, to onge gima dine mi jadolo moro machielo wuogi e kanyakla mar Melkizedek, to ok e kanyakla mar Harun.

Joshua 7:12

Mano emomiyo ok ginyal siro wasikgi, to giringo nimar gin bende koro okwedgi. Ka ok giwang’o gimoro amora mokwer ma gisekawo, to ok anabed kodgi.

1 Petro 2:5

Biuru ire ka gima un kite mangima, mondo ubed jodolo maler matimo misengni mag chuny ma Nyasaye oyiego kuom Yesu Kristo,

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!

1 Johana 2:2

En e misango magolo richowa, to ok richowa kende ema ogolo, to ogolo koda ka richo mar piny duto bende.

Fweny 1:6

mi omiyo wadoko oganda ruodhi matiyone kaka jodolo mag Nyasache kendo Wuon mare. Duong’ kod teko obedne nyaka chieng’! Amin.

1 Samuel 2:30

Nasingora ni dhoodu ni ginitina nyaka chieng’. To koro awacho ni ok nobed kamano ngang’, nimar joma miya duong’ ema nami duong’, to jogo mochaya, ok nokwan ka gimoro.