Kwan 25:11 - MUMA MALER 2015

¹¹ “Finehas wuod Eleazar ma wuod Harun jadolo osemiyo mirima mane an go gi jo-Israel orumo, nikech mirima mosemake kodgi chal gi mara. Mano emomiyo kata obedo ni ne an gi nyiego kod jo-Israel nikech aherogi ahinya, to ne ok atiekogi.

Motingʼo Loko Manyien

¹¹ “Finehas wuod Eliazar, ma wuod Harun jadolo, osetieko mirimba kuom jo-Israel; nimar en gi nyiego machal gi mara; mano emomiyo ne ok atiekogi kata obedo nine an kod mirima kodgi kamano.

Kwan 25:11 ပူးပေါင်းရင်းမြစ်များ

2 Samuel 21:14

Ne gikawo choke Saulo gi mag Jonathan wuode, kaachiel gi mag joma noneg, mi giyiko Zeba e piny Benjamin, e liend Kish wuon Saulo. Ne gitimo duto mane ruoth ochiko, kendo bang’ mano, Nyasaye nokecho pinygi.

1 Ruodhi 14:22

Jo-Juda notimo gik ma Ruoth Nyasaye okwero, mi richogi nomiyo Ruoth Nyasaye ojok kodgi moloyo kweregi duto.

Zaburi 106:23

Kuom mano Nyasaye nowacho ni obiro tieko joge, to Musa jatichne moyiero nochung’ e kinde gi ji, mondo ogeng’ mirimbe kik tiekgi.

Zaburi 106:30

To Finehas nokumo joma notimo richogo, mi tuo marachno norumo.

Zaburi 106:31

Gima notimono osemiyo ikwane ka ng’ama kare kendo pod ibiro kwane kamano kuom tienge duto mabiro.

Zaburi 78:58

Ne giwang’o iye ka gilemo e hembko man kuonde moting’ore, kendo ne gimiyo nyiego omake, ka gilamo kido mag nyiseche manono.

Wuok 20:5

Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen,

Wuok 22:5

“Ka ng’ato kwayo jamni e puoth cham, kata e puoth mzabibu, moweyo jambe ochamo puoth ng’at machielo, to nyaka ochul chamgo gi cham mabeyo, kata ochul olembego gi olembe mabeyo mag puothe owuon.

Wuok 34:14

“Kik ulam nyasaye moro machielo ni mar an Ruoth Nyasaye, nyinga en Nyasaye ma Janyiego, kendo an Nyasaye ma janyiego adier!

Ezekiel 16:38

Anang’adni buch tho ka an gi mirima mager, nikech terruok kod nek mane itimo.

Nahum 1:2

Ruoth Nyasaye en Nyasaye ma janyiego kendo ma jachul kuor gi mirimbe mager. Okano mirima e chunye mondo ochulgo ni wasike kuor.

Zefania 1:18

Fethgi kata dhahapgi ok noresgi.” Chieng’ ma Ruoth Nyasaye ng’adoe bura, nyiego mager ma en-go nowang’ piny duto, mi tiek pep. Kamano enotiek gik moko duto modak e piny mana ka diemo wang’.

Zefania 3:8

“Kuom mano an Ruoth Nyasaye, awachonu niya, ‘Ritauru! Adier, rituru chieng’ ma abiro chung’ie ka ayalou, nimar asechano choko ogendini kod dhoudi kanyakla, mondo aol kuomgi mirimba duto maliet ka mach, kendo mabiro wang’o piny duto ma tiek pep.

Kwan 25:10

Ruoth Nyasaye nowacho ni Musa niya,

Johana 3:36

Ng’at moyie kuom Wuowi nigi ngima ma nyaka chieng’. To ng’at ma ok owinjo Wuowi ok none ngimano ngang’, to mirimb Nyasaye osiko kuome.

1 Jo-Korintho 10:22

Wadwaro miyo Ruoth mirima koso? Koso waparo ni watek moloye?

2 Jo-Korintho 11:2

An gi nyiego kuomu, to en mana nyiek Nyasaye. Ne amiyo umako osiep gi Kristo, kendo ne adwaro terou ire kaka ng’ato tero nyako ngili ir chwore.

Rapar mar Chik 29:20

Ruoth Nyasaye ok nowe ni ng’atno richone, kendo mirimbe mager noliel kuome, mi kuong’ duto mondiki e kitabuni nomake kendo Ruoth Nyasaye noruch nyinge oko.

Rapar mar Chik 32:16

Ne gimiyo nyiego omake kuom lamo nyiseche mamoko, kendo ne gimiye mirima gi timbegi makuero.

Rapar mar Chik 32:21

Gisemiyo nyiego omaka, nikech giselamo gikma ok nyasaye. Adier gisewang’o iya, nikech giselamo gima nono. Omiyo abiro miyo nyiego makgi ka ayiero oganda ma nono oloyo, kendo abiro wang’o igi, ka ayiero oganda ma ok dew Nyasaye.

Rapar mar Chik 4:24

nimar Ruoth Nyasaye ma Nyasachu en mach matieko gik mowang’o, kendo en Nyasaye ma janyiego.

Joshua 22:13

Bende ne gioro Finehas wuod Eleazar jadolo e piny Gilead ir jo-Reuben gi jo-Gad kod jo-Manase konchiel,

Joshua 24:19

Joshua nowachonigi niya, “Ok dunyal tiyo ni Ruoth Nyasaye, nimar en Nyasaye maler, kendo ma janyiego, ma ok nowenu richou kod timbeu mamono.