Kwan 24:18 - MUMA MALER 2015

¹⁸ Obiro loyo piny Edom e lweny, mi okaw kendo jo-Seir ma wasike nobed mage. Jo-Israel biro timo timbe chir.

Motingʼo Loko Manyien

¹⁸ Obiro loyo piny jo-Edom e lweny mi okaw; kendo Seir ma wasike, nokaw, to Israel nomed bedo motegno.

Kwan 24:18 ပူးပေါင်းရင်းမြစ်များ

Chakruok 27:29

Ogendini duto mondo otini kendo okulreni. Bed ruodh oweteni, kendo nyikwa meru mondo okulreni. Okuong’ joma kuong’i, to oguedh jogo maguedhi.”

Chakruok 27:40

To liganglani ema nomiyi chiemo, kendo inibed jatich owadu. To kinde nobi ma ining’anyie, kendo nia e bwo lochne.”

Chakruok 32:3

Jakobo nooro joote mondo otel nyime ir Esau owadgi mane nie gweng’ Seir, e piny Edom.

2 Samuel 8:14

Bang’e noketo askeche ma jorit e piny Edom, kendo jo-Edom duto nobet e bwo lochne. Kuonde duto mane Daudi dhiye, Ruoth Nyasaye ne miye locho.

1 Ruodhi 11:14

Eka Ruoth Nyasaye nomiyo Hadad ja-Edom obedo jasik Solomon; ne en ja dhood gi ruodh Edom.

1 Ruodhi 11:15

Hadad notony e kinde mane Daudi ni Edom. Ndalogo ema Joab jaduong’ oganda lweny odhi yikoe joma osetho, kendo ne ginego chwo duto Edom.

Zaburi 60:1

A Nyasaye, isedagiwa, kendo isemiyo olowa. Mirima osemaki kodwa, to koro yie iduog irwa.

Isaya 34:5

To ka ligangla mar Ruoth Nyasaye osetieko tichne e polo, to obiro lwar kuom jo-Edom, ma en oganda ma osekuong’o mondo otieki.

Isaya 63:1

Mano ng’a, mabiro koa Bozra e piny Edom, ka lepe otimo remono? Orwakore gi lep duong’, kendo owuotho gi tekone duto. “An Ruoth Nyasaye ema abiro, ka ahulo ni Jerusalem oseresi, kendo an ema an gi teko mar waro ji.”

Amos 9:11

“Chieng’no anachung’ e dhood Daudi mosebet ka ot molokore gunda. Analos kuonde momukore mondo oduog maber. Abiro gere kendo, mi alose machal gi kaka nochal chon.

Amos 9:12

Bang’e jo-Israel nolo jo-Edom modong’ kaachiel gi ogendini mamoko duto ma chon yande meka.” Ruoth Nyasaye mabiro miyo gima kamano timore owacho kamano.

Obadia 1:2

Ruoth Nyasaye owacho ni jo-Edom niya, “Abiro miyo udoko matinie moloyo e kind ogendini duto, mi ji duto biro jarou.

Kwan 20:18

To jo-Edom nodwoke niya, “Ok unyal kadho e pinywa, nono to wamonjou.”

Kwan 24:19

Ee, joka Jakobo biro loyo wasikgi. Onge ng’at ma nodong’ Ar ka ngima.”