Kwan 24:13 - MUMA MALER 2015

¹³ ni kata dibed ni Balak dwaro miya fedha kod dhahabu duto manie ode, to ok anyal chayo chik Ruoth Nyasaye, ka atimo dwarona awuon, bed ni en gima ber kata gima rach, to abiro wacho mana gima Ruoth Nyasaye onyisa.

Motingʼo Loko Manyien

¹³ ‘Kata bed ni Balak ne miya ode mar ruoth mopongʼ gi fedha gi dhahabu, to ne ok anyal timo gimoro amora gi pacha awuon mopogore gi chik Jehova Nyasaye bed ni ber kata rach?’

Kwan 24:13 ပူးပေါင်းရင်းမြစ်များ

1 Ruodhi 13:8

To ng’at Nyasaye nodwoko ruoth niya, “Kata da bed ni imiya mana nus mwanduni, to ok nadonj e odi. Ok nachiem, kata madho gimoro ok namadh ka,

1 Ruodhi 22:14

To Mikaya nodwoke ni, “Akuong’ora gi nying Ruoth Nyasaye ni gima Ruoth Nyasaye biro wacho ema nawachi.”

Kwan 16:28

Musa nowacho nigi niya, “Ubiro ng’eyo ni Ruoth Nyasaye ema noora mondo atim gigi duto, to ok ni aketora awuon.

Kwan 22:18

To Balaam nodwoko jodong Balak niya, “Kata ka bed ni Balak dwaro miya fedha gi dhahabu duto manie ode, to ok anyal chayo chik Ruoth Nyasaye ma Nyasacha e yo moro amora.

Kwan 22:20

Nyasaye nofwenyore ni Balaam gotieno, mowachone niya, “Ka jogo osebiro luongi, to dhi kodgi. To nyaka itim mana gima abiro wachoni.”

Kwan 22:8

Balaam nowachonigi niya, “Ninduru ka otienoni, kendo abiro wachonu gima Ruoth Nyasaye onyisa kuom wachni.” Kuom mano jodong Moabgo nonindo ka Balaam.