Kwan 23:9 - MUMA MALER 2015

⁹ Anenogi kachung’ ewi lwendni maboyo, kendo arangogi gi ewi gode. Aneno oganda modak kar kende, ma ok oseriwore gi ogendni mamoko.

Motingʼo Loko Manyien

⁹ Anenogi ka achungʼ ewi kite mabeyo; kendo arangogi gi ewi gode. Aneno oganda modak kar kendgi ma ok oseriwore gi ogendini mamoko.

Kwan 23:9 ပူးပေါင်းရင်းမြစ်များ

Ezra 9:2

Gisekendo nyi joma ok jo-Yahudi, ma koro odak e pinyni, kendo yawuotgi bende gisekendonigi nyi jogo. Kamano oganda maler mar Nyasaye osenywandore gi joma ok jo-Yahudi. To jotelo gi jodongo ema josebedo joketho moloyoe jomoko.”

Wuok 33:16

nikech ka ok idhi kodwa, to ere kaka ji nyalo ng’eyo ni imor kodwa? To ka idhi kodwa, jogi kaachiel gi an nobed joma opogore gi dhoudi duto manie piny.”

Jeremia 46:28

Kik uluor, nikech an kodu. Abiro tieko ogendini duto kuonde duto ma asekeyoue, to un ok natieku. To kata kamano, abiro kumou moromo gi timbeu. An Ruoth Nyasaye ema awacho kamano.”

Jeremia 49:31

‘Biuru mondo wamonj ji maparo ni odak gi kue, kendo onge gima nyalo timogi! Dhorangeyegi ni nono, kendo ok lor, bende ok riti.’ An Ruoth Nyasaye ema awacho kamano.

Amos 9:9

To anagol chik, mi anapiedh jo-Israel e kind ogendini duto, ka cham mipiedho e odheru, kendo kata wang’ cham achiel ok nolwar piny.

Mika 7:14

A Ruoth Nyasaye, rit jogi miseyiero, kaka jakwath kawo luth, kendo kwayogo jambe. Gidak mana kendgi e thim, ka piny momew olworogi koni gi koni. To we mondo gikwa e lege mag Bashan gi mag Gilead, kaka ne gitimo chon.

2 Jo-Korintho 6:17

Emomiyo Ruoth owacho ni, “Auru kuomgi, kendo pogreuru kodgi. Kik umul gimoro mogak, mi narwaku.

Rapar mar Chik 32:8

Kane Ng’ama Duong’ Moloyo ochiwo ni ogendini pinjegi, mondo obed kuondegi mag dak, noketo ni oganda ka oganda tong’ pinygi maromre gi kar romb nyithind Nyasaye.

Rapar mar Chik 33:28

Kamano jo-israel odak gi kue. Adier, nyikwa Jakobo odak maonge ng’ama thagogi e piny machiego cham gi divai, kama tho moa e polo tonie maber.

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!