Kwan 23:24 - MUMA MALER 2015

²⁴ Ogandagi chalo gi sibuor ma dhako mokichore, kendo ojuol ka sibuor ma dichwo. Ok onyal nindo piny, kapok ochamo gima onego momadho rembe.”

Motingʼo Loko Manyien

²⁴ Ogandani ger mana ka sibuor madhako; kendo gijuol ka sibuor madichwo, ma ok nyal nindo piny nyaka ocham gima onego momadh rembe.”

Kwan 23:24 ပူးပေါင်းရင်းမြစ်များ

Chakruok 49:27

“Benjamin en ondiek ma kech kayo. Gima osenego, ochamo gokinyi. Godhiambo, to pod ong’ingo gima osemako.”

Chakruok 49:9

Juda, in nyathi sibuor. Inego le, eka idok kari midakie. Juda, ichalo sibuor moriere kendo onindo piny, maonge ng’ama hedhore chiewo.

1 Ruodhi 10:20

kendo sibuoche apar gariyo moko nochung’ moro ka moro e dir raidhi koni gi koni. Onge piny moro ma noselosie kom ruoth machal gi mano.

2 Weche mag Ndalo 9:18

Kom duong’no ne nigi raidhi man gi kuonde minyono auchiel gi raten tielo mar dhahabu momakore gi kom. To sibuoche ariyo mag dhahabu nochung’ e bath bede kom koni gi koni.

Zaburi 17:12

Gichalo sibuoche madwaro kidha matindo tindo, kendo gikiya mana ka nyithi sibuoche.

Ngeche 30:30

Mokwongo en sibuor. Oratego moloyo le duto, kendo onge gima oluoro.

Isaya 31:4

Ruoth Nyasaye osewachona niya, “Kaka sibuor kata nyathi sibuor ng’ur, kachamo chiayo mosemako, to ok odew, bende ok oluor kata ka jokwath mang’eny ochokore ka goyo koko, mondo oriembe, e kaka Ruoth Nyasaye Manyalo Gik Moko Duto nolor piny mondo oked ewi got Sayun.

Daniel 2:44

E kinde loch ruodhigo, Nyasach Polo nokel loch moro ma ok norum. Onge ng’ama noketh lojno, to en ema noketh loch mamoko duto, mi otiek chuth. En to nosik kogurore nyaka chieng’.

Amos 3:8

“Ere ng’ama ok diluor ka sibuor ruto? Koso ere janabi ma diling’ mak ohulo gima Ruoth Nyasaye owachone?”

Nahum 2:11

Koro tinde ere dala mane ong’ere kaka gond sibuor, kama thuondi ne nitie, kendo kama mon gi nyithindo ne odakie ka onge gima giluoro?

Nahum 2:12

Nineve ne chalo gi sibuor. Nonego wasike mondo opidhgo nyithinde kod monde, mi opong’o dalane kod mieche mamoko gi mwandu moyaki kaachiel gi wasumbni.

Zekaria 12:6

“E kindeno anami dhout Juda bed ka mach manie bungu kata manie puoth tiang’. Ginitiek ogendini duto mokiewo kodgi koni gi koni. Jo-Jerusalem to nodag gi kue e dalagi.

Kwan 23:25

Eka Balak nowacho ni Balaam niya, “Ka ok idwar kuong’ogi, to kara ber mondo kik iguedhgi bende.”

Kwan 24:17

Anene, to ok sani, kendo ang’iye, to ok machiegni. Sulue nobi koa kuom joka Jakobo, kendo ludh duong’ nowuog kuom jo-Israel. Obiro goyo oganda lweny mag jo-Moab, kendo nolo joma sungore.

Rapar mar Chik 33:20

Kuom jo-Gad to nowuoyoe niya, “Oguedh jalo mayaro tong’ jo-Gad. Dhood Gad chalo gi sibuor madhako, mogwom piny, ka yiecho bat gi wi gima omako.

Fweny 5:5

To ng’at achiel kuom jodongogo nokona niya, “We ywak, nikech Sibuor moa e dhood Juda, ma nyakwar Daudi, ema oselocho! Emomiyo en gi ratiro mar ketho kido abiriyogo, mi oel kitabuno.”