Kwan 23:22 - MUMA MALER 2015

²² Nyasaye, ma nogologi e piny Misri, tekone chalonigi gi teko jowi.

Motingʼo Loko Manyien

²² Nyasaye nogologi Misri; tekogi chalo gi teko jowi.

Kwan 23:22 ပူးပေါင်းရင်းမြစ်များ

Zaburi 68:35

Mano kaka Nyasach Israel lich e Hekalu mare! Ochiwo teko gi loch ni joge. Pakuru Nyasaye.

Zaburi 92:10

Isemiyo abedo maratego ka jowi, kendo iseguedha kimiya mor.

Wuok 12:41

To chieng’ mane higni mia ang’wen gi piero adekgo orumoe ema ne ogend Ruoth Nyasaye duto owuokie Misri.

Wuok 12:51

mi chieng’onogo, ema nogoloe jo-Israel e piny Misri, kochan gi e ogendgi.

Wuok 14:18

Eka jo-Misri nong’e ni kara an Ruoth Nyasaye, kaseloyogi.”

Wuok 20:2

“An e Ruoth Nyasaye ma Nyasachu, mane ogolou e piny Misri kuma ne ubedoe wasumbni.

Wuok 9:16

To aseweyi ibet mangima mana ni mondo anyisigo tekona, kendo mondo humba olag e piny ngima.

Isaya 34:7

To kar nego jope, to ruodhi ema obiro nego, kendo kar nego ruedhi, to oganda mar joma rateke ema nonegi, mi remo pong’ piny, kendo piny leny nikech boche,

Kwan 22:5

nooro joote ir Balam wuod Beor mane oyudo ni Pethor but aora Yufrate e piny jo-Amav, kowachone niya, “Oganda maduong’ moa e piny Misri osebiro, mi opong’o piny, kendo othung’a marach.

Kwan 24:8

Nyasaye mane ogolou e piny Misri, tekone chalo gi teko jowi. Uchamo ringre ogendini ma wasiku bende urado chokegi, kendo uturo lembgi matindo tindo.

Rapar mar Chik 33:17

Dhoode nochal gi nyarwath makayo, ma tungene chalo gi tung jowi, ma obiro chwowogo ogendini, moriembgi nyaka tung piny gi tung’ piny. Tungego gin gi ji tara gi tara ma jo-Efraim, kod ji gana gi gana ma jo-Manase.”

Joshua 2:10

Wasewinjo kaka Ruoth Nyasaye nodwono pi Nam Makwar e nyimu, kane ua Misri. Bende wasewinjo kaka nunego Sihon gi Og, ruodhi mag jo-Amon man loka Jordan, kaachiel gi ogendini mag lweny.