Kwan 23:19 - MUMA MALER 2015

¹⁹ Nyasaye ok en dhano ma doriambi. Ooyo, ok en dhano ma dolokre. Osewuoyo, to donge obiro timo kaka owacho? Adier, obiro chopo gima osehulo.

Motingʼo Loko Manyien

¹⁹ Nyasaye ok en dhano, mondo omi oriambi, kata ok en wuod dhano, mondo omi olok pache. Bende onyalo wuoyo to ok otim kaka owacho? Bende onyalo chiwo singo, to ok ochop singruokno?

Kwan 23:19 ပူးပေါင်းရင်းမြစ်များ

Chakruok 26:3

Dag adaga e pinyni mondi, eka nabed kodi kendo naguedhi, kamiyi pinyni duto gi nyikwayi. Kamano nachop singruok mane atimo ni Ibrahim wuoru.

Chakruok 28:15

Anabed kodi, kendo anariti kamoro amora midhiye, nyaka adwoki e pinyni. Ok naweyi ka pok atimoni gima asewachoni.”

1 Ruodhi 14:11

Jadhood Jeroboam moro ma notho e dala, guogi nocham, to mago ma notho oko, winy nocham, nikech Ruoth Nyasaye osewacho kamano.’

2 Ruodhi 15:12

Kamano weche mane Ruoth Nyasaye osingorego ni Jehu, kowachone ni nyikwaye nobed ruodhi mag Israel nyaka tieng’ mar ang’wen, nochopo kare.

2 Ruodhi 7:2

Jaduong’ lweny ma nyagach ruoth nowacho ni ng’at Nyasaye niya, “Bende gini ditimre adier, kata da Ruoth Nyasaye yaw dirise polo?” To nodwoke niya, “Ibiro nene gi wang’i, to ok nichame!”

1 Weche mag Ndalo 17:17

A Nyasaye, gima isetimona pod in ikwano ka gima tin, nimar bende isewacho ni dhooda nosik kuom ndalo mang’eny, kendo isenyisa kaka tienge mabiro nochal.

Zaburi 110:4

Ruoth Nyasaye osekuong’ore, kendo ok nolokre nga’ng’, kuom wachne mowacho ni, “In jadolo nyaka chieng’, e tich dolo mar Melkizedek.”

Zaburi 132:11

Ne ikuong’orine matek ahinya, kendo ok nilokri. Ne iwachone niya, “Abiro keto wuodi moro ruoth, kendo enorit piny bang’i.

Zaburi 77:9

Wi Nyasaye osewil gi bedo mang’won koso? Koso mirima osemiyo oweyo kecho ji?”

Zaburi 89:34

Adier, ok naketh winjruokna kode, ka ok achopo gima ne awacho.

Zaburi 89:35

Ne asingora gi nyinga maler dichiel kendo mogik niya, ‘Ok anawuond Daudi.

Isaya 21:17

Jo asere marateke maggi manok kende ema nodong’, nimar Ruoth Nyasaye ma Nyasach Israel ema owacho kamano.”

Isaya 31:2

To Ruoth Nyasaye riek, kendo onyalo kelo masira, bende ok olok parone. Obiro kumo oganda mar joricho, kaachiel gi joma konyogi.

Isaya 40:8

Adier, lum two, maua bende ner, to wach Nyasachwa to osiko nyaka chieng’.’ ”

Isaya 46:11

Aluongo ng’ato e piny mabor mondo otim gima adwaro. Obiro biro kaka winyo mager, koa yo wuok chieng’. Asewuoyo, kendo abiro timo kaka asewacho. Adier, asechano gima adwaro timo, kendo abiro timogo mak orem.

Isaya 55:11

e kaka wach mawuok e dhoga nochal, ok noduog ira ka pok otiyo tije, to enotim gima ne ochano, mi ochop ote mane aoree.

Jeremia 4:28

Ji duto modak e piny noywagi, kendo polo nolokre mudho. Ruoth Nyasaye osewacho, kendo ok nolok parone! Oseparo mogik, kendo ok nodog chien.

Daniel 4:28

Gigo duto notimore ni ruoth Nebukadnezar.

Hosea 11:9

Ok nakumu gi mirimba mager, bende ok nachak aketh Israel, nimar an Nyasaye, to ok dhano. An Ng’ama Ler, an kodu, kendo ok nabi iru gi mirima.

Mika 7:20

Initim gima kare, kendo iniher jo-Israel ma nyikwa Ibrahim gi hera mosiko, mana kakane isingori ni kwerewa chon.

Habakuk 2:3

To fweny mibiro yudono nigi kinde moketne, kendo ka kindeno ochopo, to gigo notimre mana ma piyopiyo mak orem. Kata ka ineno ni odeko, to rite arita, nikech notimre maonge kiawa, kendo mana e kinde mowinjore.”

Malaki 3:6

Ruoth Nyasaye omedo wacho niya, “An Ruoth Nyasaye, kendo ok alokra. Mano emomiyo un nyikwa Jakobo pok urumo chuth.

Kwan 14:35

An Ruoth Nyasaye, asewuoyo, kendo abiro timo ni oganda marach moseriworenani gima asewachono. Gibiro rumo mana e thimni! Adier, ka ema gibiro thoe!”

Kwan 23:18

Mi Balaam nohulo wach moa kuom Nyasaye kama: “Balak a malo mondo iwinj! Wuod Zipor winji gima onyisa mondo awachi!

Luka 21:33

Polo gi piny norum. Wechena to ok norum.

Jo-Rumi 11:29

Ka Nyasaye oyiero ng’ato kendo oguedho, to ok olok parone kuom ng’atno.

Jo-Rumi 9:6

To kik ugal ni gima Nyasaye nosingore ok osechopo, nikech jo-Israel duto ok gin joma Nyasaye oseyiero.

2 Timotheo 2:13

Kata ka wan ok wabedo joadiera, en to pod en mana jaadiera, nikech ok onyal loko kite.”

Tito 1:2

kuom geno yudo ngima mochwere, mane Nyasaye, ma ok riambi osesingore chon ni nomiwa.

Jo-Hibrania 6:18

Kuom mano, Nyasaye nokonyore gi gik moko ariyo ma ok nyal lokore, kendo ma ok onyal wachoe miriambo, tiende ni singruok gi kuong’ruok. To wan, joma osetony, koro wayudo jip motegno ka wamakogo geno manie nyimwa.

Jo-Hibrania 7:21

Yesu to ne oket jadolo gi kuong’ruok, kaka Muma wacho ni, “Ruoth Nyasaye osekuong’ore, kendo ok nolokre ngang’ kuom wachne mawacho ni, ‘In jadolo nyaka chieng’.’ ”

Jakobo 1:17

Mich mabeyo duto, kod chiwo malong’o duto, a e polo malo. Gia kuom Nyasaye Wuoro mane ochueyo ler mag polo. En ok olokre, bende ok owichre owewa e mudho.

Jakobo 4:5

Koso uparo ni Muma wacho kayiem ni, “Chuny ma Nyasaye oketo ei dhano en chuny ma janyiego”?

Joshua 21:45

Ruoth Nyasaye nochopo singruokne duto ma nosetimo ni jo-Israel.

1 Samuel 15:29

Bende Nyasaye ma en Duong’ Maler mar Israel ok riambi kata lokre, nimar ok en dhano ma dolokre.”

1 Samuel 3:12

E ndalono anachop weche duto te mane awacho kuom Eli gi dhoode.