Kwan 23:16 - MUMA MALER 2015

¹⁶ Ruoth Nyasaye nofwenyore ni Balaam monyise gima onego owachi kowachone niya, “Dog ir Balak kendo iwach mana kaka anyisi.”

Motingʼo Loko Manyien

¹⁶ Jehova Nyasaye nofwenyore ne Balaam kendo nomiyo Balaam ote kowachone niya, “Dog ir Balak kendo imiye wachni.”

Kwan 23:16 ပူးပေါင်းရင်းမြစ်များ

Kwan 22:20

Nyasaye nofwenyore ni Balaam gotieno, mowachone niya, “Ka jogo osebiro luongi, to dhi kodgi. To nyaka itim mana gima abiro wachoni.”

Kwan 22:35

To malaika mar Ruoth Nyasaye nowachone niya, “Dhiyo adhiya gi jogo, to nyaka iwach mana gima abiro nyisi.” Omiyo Balaam nodhi adhiya gi jodong Balak.

Kwan 23:15

Eka ne Balaam owacho ni Balak niya, “Chung’ but misango misechiwo, an to adhi romo gi Nyasaye kucha.”

Kwan 23:17

Omiyo nodok, moyudo ka Balak ochung’ e bath misangone kaachiel gi jodong Moab. Balak nopenjo gima Ruoth Nyasaye owacho.

Kwan 23:5

monyise weche ma onego owachi, kowachone niya, “Dog ir Balak, kendo iwachne mana kaka anyisi.”

Kwan 24:1

Koro kaka Balaam nong’eyo ni Ruoth Nyasaye dwaro ni mondo oguedh jo-Israel, ne ok odhi mondo otim tim ajuoke, kaka ne osetimo mokwongo, to nowichore mochomo thim,

Rapar mar Chik 18:18

Abiro yieronigi janabi kaka in, kuom ogandagi giwegi. Abiro keto wechena e dhoge, kendo enowachnigi weche duto ma achike.