Kwan 23:14 - MUMA MALER 2015

¹⁴ Kamano ne otero Balaam e paw Zofim ewi got Pisga, kendo nogeroe kende abiriyo mag misango, mi ochiwoe rwath achiel gi im achiel e kendo ka kendo.

Motingʼo Loko Manyien

¹⁴ Omiyo notere e pap mar Zofim mantiere ewi Got Pisga, kendo kanyo nogero kende mag misango abiriyo mi nochiwo misango mar rwath kod im ewi kendo ka kendo.

Kwan 23:14 ပူးပေါင်းရင်းမြစ်များ

Isaya 46:6

Dupima gi nyasaye ma dhano loso koso? Joma dwaro nyasaye machal kamano kawo dhahabu mang’eny, kendo pimo fedha e ratil, eka gindiko jatheth mondo olosnigigo nyasayeno. Bang’e gilame ka giriere piny e nyime.

Hosea 12:11

Jo-Israel lamo kido manono Gilead, to joma lamo gik ma kamago biro tho. Gitimo misengni gi ruedhi Gilgal, emomiyo kende-mag-misango biro lokore, mi dok tuche mag kite manie puothe.”

Kwan 21:20

Bang’ a Bamoth, ne gidhi e holo man piny Moab ewi got Pisga, kama inyalo nenogo thim.

Kwan 23:13

Eka Balak nowachone niya, “Bi mondo ateri kamoro machielo ma inyalo nenogo mana bath jo-Israel konchiel, to ok giduto, mondo ikuong’nagi kanyo.”

Kwan 23:15

Eka ne Balaam owacho ni Balak niya, “Chung’ but misango misechiwo, an to adhi romo gi Nyasaye kucha.”

Kwan 23:29

Eka Balaam ne onyise mondo olosne kende abiriyo mag misango kanyo, kendo ochiw ruedhi abiriyo kod imbe abiriyo.

Rapar mar Chik 3:27

Dhiyo ewi got Pisga mondo irang yo nyandwat gi yo milambo, kendo irang yo wuokchieng’ gi yo podho chieng’. Inyalo mana neno pinyno gi wang’i, to in iwuon ok ning’ad Jordan.

Rapar mar Chik 34:1

Musa nowuok oa e paw Moab moidho got Nebo nyaka wi Pisga yo wuokchieng’ mar Jeriko, mi Ruoth Nyasaye nonyise piny Kanaan duto, chakre Gilead nyaka Dan,

Rapar mar Chik 4:49

kaachiel gi piny pap duto man yo wuokchieng’ mar aora Jordan, nyaka Nam Kado man e tik got Pisga.