Kwan 23:10 - MUMA MALER 2015

¹⁰ Ere ng’ama nyalo kwano oganda joka Jakobo, kata manyalo riwo kar romb jo-Israel? Weuru atho kaka joma kare tho, kendo abed achiel kodgi.”

Motingʼo Loko Manyien

¹⁰ Ere ngʼama nyalo kwano kar romb oganda joka Jakobo machalo gi buru kata ngʼama nyalo kwano migawo mar angʼwen mar Israel? Weuru atho kaka joma kare tho, kendo mad giko mara ochal kod margi!”

Kwan 23:10 ပူးပေါင်းရင်းမြစ်များ

Chakruok 13:16

Anami nyikwayi bed mang’eny mana ka lowo mae piny. Kapo ni ng’ato nyalo kwano lowo mae piny, to kara nyikwayi bende nokwan.

Chakruok 22:17

Akuong’ora gi nyinga awuon ni kaka ok isetama e wuodi ma miderma, abiro guedhi moloyo, mi ami nyikwayi bed mang’eny ka sulue, kendo ka kuoyo mae dho nam. Nyikwayi nolo wasikgi,

Chakruok 28:14

Nyikwayi nobed mang’eny ka lowo. Gininya malach kendo ginilandre koni gi koni, mi dhoudi duto mae piny nokwa mondo oguedhgi kaka aseguedhi gi nyikwayi.

Zaburi 116:15

Mano kaka lit ni Ruoth Nyasaye ka ng’ate moro otho!

Zaburi 37:37

To koro, kinono ng’at maber kata ng’ama kare, to ibiro nwang’o ni ng’at man gi kue nigi nyikwaye.

Ngeche 14:32

Timbe mamono mag joricho ema miyo orumo. Ng’at makare to yudo resruok kuom timne malong’o.

Kwan 2:16

Kamano ji duto manie oganda jo-Reuben, kochan e ogendgi mag lweny, romo alufu mia achiel gi piero abich gachiel kod mia ang’wen gi piero abich. Gin ema giniwuog mar ariyo.

Kwan 2:24

Kamano ji duto manie kambi jo-Efraim, kochan e ogendgi mag lweny romo ji alufu mia achiel gaboro gi mia achiel. Gin ema giniwuog mar adek.

Kwan 2:31

Kamano ji duto manie kambi jo-Dan romo alufu mia achiel gi piero abich gariyo gi mia auchiel. Gin ema giniwuog achien e bwo bandechegi, kochan-gi e ogendgi mag lweny.

Kwan 2:9

Kamano ji duto manie kambi mar jo-Juda, kochan e ogendgi, romo alufu mia achiel gi piero aboro gauchiel gi mia ang’wen. Ka oganda jo-Israel duto chako wuoth, to gin ema gikwongo.

Kwan 31:8

To bende ne ginego Evi gi Rekem gi Zur gi Hur kod Reba, mane ruodhi abich mag Midian, kaachiel gi Balaam wuod Beor.

2 Jo-Korintho 5:1

Wang’eyo ni ka ringrewa, ma en kiru mwadakie e pinykani, omuki, to wan gi ot ma Nyasaye osegeronwa e polo. En ot mosiko nyaka chieng’, ma ok oger gi lwet dhano.

Fweny 14:13

Eka ne awinjo dwol moa e polo kawacho niya, “Ndik ni, ‘Chakre kawuono, jogo matho kogeno kuom Ruoth, gin johawi!’ ” Roho bende wacho ni, “Ee, gin johawi adier, nikech giniyue kuom tichgi matek, nimar gik ma gisetimo dhi kodgi.”