Kwan 22:5 - MUMA MALER 2015

⁵ nooro joote ir Balam wuod Beor mane oyudo ni Pethor but aora Yufrate e piny jo-Amav, kowachone niya, “Oganda maduong’ moa e piny Misri osebiro, mi opong’o piny, kendo othung’a marach.

Motingʼo Loko Manyien

⁵ nooro joote mondo oluong Balaam wuod Beor, mane ni Pethor but Aora Yufrate, mantiere e piny mane onywole. Balak nowacho kama: “Ogandagi oa Misri; gipongʼo wangʼ piny kendo gidak machiegni koda.

Kwan 22:5 ပူးပေါင်းရင်းမြစ်များ

Chakruok 13:16

Anami nyikwayi bed mang’eny mana ka lowo mae piny. Kapo ni ng’ato nyalo kwano lowo mae piny, to kara nyikwayi bende nokwan.

Zaburi 105:24

Ruoth Nyasaye nomiyo joge nyithindo mang’eny, kendo nomiyo gibedo motegno moloyo wasikgi.

Wuok 10:15

Ne gipoto piny mi piny nolokore bonyo lilo kendo ne gichamo gik moko duto mane dongo e piny kaachiel gi olembe duto mane pe oweyo. Onge kata lith oboke mane odong’ e piny Misri duto.

Mika 6:5

Un joga, parieuru gima ne Balak ruodh Moab ochano timonu. Kendo kaka Balaam wuod Beor nodwoke. Bende parieuru gik mane otimore e yo, kua Shitim udhi Gilgal, mana ni mondo ung’e timbe madongo mane atimo mondo aresugo.”

Kwan 23:7

Eka ne Balaam ohulo wach moa kuom Nyasaye kama: “Balak ruodh Moab oseoma Aram piny gode man wuok chieng’ kowachona niya, ‘Bi mondo ikuong’na joka Jakobo! Bi ikwer jo-Israel.’

Kwan 31:8

To bende ne ginego Evi gi Rekem gi Zur gi Hur kod Reba, mane ruodhi abich mag Midian, kaachiel gi Balaam wuod Beor.

Rapar mar Chik 23:4

nikech ne ok giromonu gi chiemo kata gi pi kane uwuok Misri, to bende nikech ne giluongo Balaam wuod Beor modak Pethor manie piny Mesopotamia mondo okuong’u.

Rapar mar Chik 23:5

To Ruoth Nyasaye ma Nyasachu ne ok odewo wach Balaam, mi noloko kuong’no obedonu mana gueth, nikech noherou.

Joshua 13:22

Balaam wuod Beor, mane jakor wach, ne en achiel kuom joma jo-Israel nonego.

Joshua 24:9

Balak wuod Zipor ma ruodh Moab bende nokedo kodu. Nooro Balaam wuod Beor mondo obi okuong’u,

Juda 1:11

Mano kaka ginine malit! Gise mana luwo yo mane Kain oluwo, kendo gisemwomore e ketho mar Baalam nikech gihero pesa, bende giseng’anyo kaka Korah nong’anyo, mi girumo mana kaka en bende norumo.

Fweny 2:14

To kata kamano, an kodi gi weche moko, nikech in gi ji moko kanyo maluwo puonj mar Baalam, mane opuonjo Balak kaka onyalo miyo jo-Israel tim richo kuom chamo chiemo mosetimgo ni nyiseche manono misango, kendo kuom terruok.