Kwan 22:36 - MUMA MALER 2015

³⁶ Kane Balak owinjo ni Balaam biro, nowuok modhi nyaka Ar e piny Moab but aora Arnon manie tong’ pinye, mondo oromne.

Motingʼo Loko Manyien

³⁶ Kane Balak owinjo ni Balaam biro, nowuok mondo oromne e dala jo-Moab mokiewo gi aora Arnon, e giko mar pinye.

Kwan 22:36 ပူးပေါင်းရင်းမြစ်များ

Chakruok 14:17

Kane Abram oduogo bang riembo Kedor-laomer kod ruodh mane oriwore kode, ruodh Sodom nobiro mondo oromne e holo Shave ma tinde iluongo ni holo Ruoth.

Chakruok 18:2

To kane oting’o wang’e nopo koneno ji adek mochung’ e nyime. Noringo kodhi romonigi, kendo nogoyo chonge piny, mokulore nyaka e lowo.

Chakruok 46:29

Josef nokawo gache modhi kuno, romo ni Israel wuon mare. Kane oneno wuon mare, nokwake moywak aming’a.

Wuok 18:7

Musa nowuok, modhi romone. Nokulorene, kendo onyodhe, mi gimosore. Kane gisedonjo e hema,

Isaya 16:2

Ka mond Moab ochopo e kuonde ming’adogo aora Arnon, to ginichal mana nyithi winy morwenyo, ma huyo koni gi koni.

Jeremia 48:20

Ginidwoku niya, “Piny Moab oserumo! Ywageuru, nikech oseyudo wichkuot. Gouru milome e bath aora Arnon ni Moab osekethi.

Kwan 22:35

To malaika mar Ruoth Nyasaye nowachone niya, “Dhiyo adhiya gi jogo, to nyaka iwach mana gima abiro nyisi.” Omiyo Balaam nodhi adhiya gi jodong Balak.

Kwan 22:37

Balak nopenjo Balaam niya, “Donge naoroni joote ndalo mang’eny mondo oluongi? Ang’o ma ne omoni biro? Koso ne iparo ni ok anyal miyi duong’?”

Tich Joote 28:15

Owete man kuno nowinjo wachwa, mi obiro oromonwa, ka moko chopo nyaka Chiro mar Apio, to moko nyaka kamoro miluongo ni Tres Tabernae, tiende ni Udi Adek Mibuoroe. Kane Paulo onenogi, nogoyo ni Nyasaye erokamano, kendo chunye noduogo.

Rapar mar Chik 2:24

“Eka Ruoth Nyasaye nodhi nyime, kowachone niya, ‘Wuothuru mondo ung’ad holo mar Arnon, nimar asechiwo Sihon ja-Amor ma ruodh Heshbon e lwetu kaachiel gi pinye. Koro donjuru e pinye mondo uked kode.

Rapar mar Chik 3:8

“Kamano e kaka ne wakawo pinje mag ruodhi ariyo mag jo-Amor mane ni loka Jordan yo wang’chieng’, chakre holo mar Arnon nyaka got Hermon.

Jong’ad Bura 11:18

“Bang’e ne gidhi nyime ka ging’ado thim. Ne giluwo yo ma lworo piny Edom gi piny Moab nyaka ne gichopo yo wuok chieng’ mar Moab e bath aora Arnon. Ne gibworo kanyo, to ne ok ging’ado aora nikech en tong’ piny jo-Moab.

1 Samuel 13:10

To e sa mane otieko timoe misango miwang’o pep ema Samuel nobiroe, mi Saulo nowuok mondo oromne, kendo omose.