Kwan 22:32 - MUMA MALER 2015

³² Malaika nopenje niya, “Ere gima omiyo inyalo goyo kanji didek kamano? Ne abiro mondo ageng’ni, to ne ichoma mana tir,

Motingʼo Loko Manyien

³² Malaika mar Jehova Nyasaye nopenje niya, “Angʼo momiyo isechwado pundani nyadidek? Abiro mondo agengʼi nikech yoreni obam e nyima.

Kwan 22:32 ပူးပေါင်းရင်းမြစ်များ

Zaburi 145:9

Otimo maber ni ji duto, kendo okecho gik moko duto mane ochueyo.

Zaburi 147:9

Ochiwo ni le chiembgi, kendo omiyo nyithi agak chiemo ka giywakne.

Zaburi 36:6

Timni makare ogurore ka gode madongo, kendo rieko mingadogo bura tut ka nam. In Ruoth Nyasaye, irito dhano gi le.

Ngeche 14:2

Ng’at makare oluoro Ruoth Nyasaye. Ng’at ma achach to ochaye achaya.

Ngeche 16:2

Ng’ato nyalo paro ni gik moko duto motimo ni kare, to Ruoth Nyasaye ema pimo paro mar dhano.

Ngeche 28:18

Ng’at makare yudo kue. Ng’ama mibadhi to podho.

Ngeche 28:6

Ber bedo jachan ma jaratiro oloyo bedo jamoko ma timbene obam.

Jona 4:11

an to donge dakech Nineve, dala maduong’ man gi nyithindo moloyo alufu mia achiel gi piero ariyo, (120,000) kaachiel gi jamni mang’eny?”

Mika 6:5

Un joga, parieuru gima ne Balak ruodh Moab ochano timonu. Kendo kaka Balaam wuod Beor nodwoke. Bende parieuru gik mane otimore e yo, kua Shitim udhi Gilgal, mana ni mondo ung’e timbe madongo mane atimo mondo aresugo.”

Kwan 22:20

Nyasaye nofwenyore ni Balaam gotieno, mowachone niya, “Ka jogo osebiro luongi, to dhi kodgi. To nyaka itim mana gima abiro wachoni.”

Kwan 22:22

To kata kamano Ruoth Nyasaye nokecho nikech Balaam ne dhi, omiyo kane Balaam biro koidho kanje, ka en gi jotichne ariyo, malaika mar Ruoth Nyasaye nobiro mochung’ e nyime mondo ogeng’ne kik okadhi.

Kwan 22:28

Eka Ruoth Nyasaye nomiyo kanyna owuoyo, ka penjo Balaam niya, “Koro igoya didek, to ere gima aseketho?”

Kwan 22:33

to ka kanji nende onena didek, mobaro oa e yo. To ka da bed ni ok obaro, to dikoro asenegi, mi aweye odhi.”

Kwan 22:35

To malaika mar Ruoth Nyasaye nowachone niya, “Dhiyo adhiya gi jogo, to nyaka iwach mana gima abiro nyisi.” Omiyo Balaam nodhi adhiya gi jodong Balak.

Tich Joote 13:10

mowachone niya, “Yaye, in wuod Satan! In jasik gik moko duto mabeyo! Ipong’ gi timbe duto mag miganga, kendo pile itemo loko adiera mag Nyasaye obed mag miriambo!

Rapar mar Chik 23:4

nikech ne ok giromonu gi chiemo kata gi pi kane uwuok Misri, to bende nikech ne giluongo Balaam wuod Beor modak Pethor manie piny Mesopotamia mondo okuong’u.

Rapar mar Chik 25:4

“Kik itue dho dhiang’ ka ywayo lodi madiemo cham.