Kwan 22:12 - MUMA MALER 2015

¹² To Nyasaye nowacho ni Balaam niya, “Kik idhi kodgi, to bende kik ikuong’ jogo nikech gin joma oguedhi.”

Motingʼo Loko Manyien

¹² To Nyasaye nowacho ne Balaam niya, “Kik idhi kodgi. Kik ikwongʼ jogo, nikech gin joma ogwedhi.”

Kwan 22:12 ပူးပေါင်းရင်းမြစ်များ

Chakruok 12:2

Analoki oganda maduong’; anaguedhi, kendo anami nyingi obed gi huma, mi ji nokonyre gi nyingi kuom gueth.

2 Weche mag Ndalo 31:10

mi Azaria jadolo maduong’, ma jadhood Zadok, nodwoke niya, “Nyaka ne gichak kelo chiwo e Od Ruoth Nyasaye, wasechiemo mwayieng’, kendo chiemo mang’eny pod odong’, nimar Ruoth Nyasaye oseguedho joge. Mano emomiyo wadong’ gi chiemo mang’enygi.”

Zaburi 144:15

Ji ma ok odak kamano gin johawi, kendo joma Nyasachgi en Ruoth Nyasaye, bende johawi.

Zaburi 146:5

To ng’at ma Nyasach Jakobo konyo, kendo ma ogeno kuom Ruoth Nyasache,

Isaya 61:9

Nyikwau nong’ere, kendo noyud duong’ e kind ogendini. Ji duto monenogi nong’e ni un oganda ma Nyasaye oguedho.

Mika 6:5

Un joga, parieuru gima ne Balak ruodh Moab ochano timonu. Kendo kaka Balaam wuod Beor nodwoke. Bende parieuru gik mane otimore e yo, kua Shitim udhi Gilgal, mana ni mondo ung’e timbe madongo mane atimo mondo aresugo.”

Kwan 22:11

oganda maduong’ osea e piny Misri mopong’o piny. Omiyo odwaro ni mondo adhi akuong’negi, eka dipo ka oloyogi, mi oriembogi.”

Kwan 22:13

Kuom mano, kane Balaam ochiew gokinyi, nonyiso jodongo mane Balak ooro niya, “Doguru thuru nimar Ruoth Nyasaye osekwera ni kik adhi kodu.”

Kwan 22:6

Omiyo bi piyo mondo ikuong’gi nikech ging’eny ahinya mohewowa. Bang’e dipo ka aloyogi, mi ariembogi oko e pinywa, nikech ang’eyo ni joma igwedho to yudo gueth, to joma ikwong’o to yudo kuong’.”

Kwan 23:23

Tim ajuoke onge kuom joka Jakobo, Adier, timbe ndagla onge kuom jo-Israel. Koro ma e sa monego wanyisie joka Jakobo ma jo-Israel niya, ‘Neyeuru gima Nyasaye osetimonu!’

Kwan 23:3

Eka nowacho ni Balaam niya,

Kwan 23:8

To ere kaka dakuong’ joma Nyasaye ok osekuong’o? Ere kaka dakwer joma Ruoth Nyasaye ok osekwero?

Kwan 24:9

Uchalo gi sibuor madhako manindo piny, ma onge ng’ama hedhore chiewo. Joma guedhou mondo oyud gueth, to joma kuong’ou mondo oyud kuong’!”

Mathayo 27:19

Kane oyudo obet e kom ng’ado bura, chiege noorone wach niya, “Kik imul wach ng’at makareno, nikech wachne nende ochanda ahinya e lek gotieno.”

Jo-Rumi 11:29

Ka Nyasaye oyiero ng’ato kendo oguedho, to ok olok parone kuom ng’atno.

Jo-Efeso 1:3

Wagouru erokamano ni Nyasaye ma wuon Ruodhwa Yesu Kristo, nimar oseguedhowa, wan ma wan kuom Kristo, komiyowa mich duto mag Roho moa e polo.

Rapar mar Chik 2:7

nimar Ruoth Nyasaye ma Nyasachu oseguedhou kuom gik moko duto ma usetimo. Oseritou ka uwuotho e thim malichni. Kuom higni piero ang’wen-gi duto Ruoth Nyasaye ma Nyasachu osebedo kodu, kendo onge gima usechando.” ’

Rapar mar Chik 23:5

To Ruoth Nyasaye ma Nyasachu ne ok odewo wach Balaam, mi noloko kuong’no obedonu mana gueth, nikech noherou.

Rapar mar Chik 28:6

Noguedhu kudonjo e dala kendo kuwuok.

Rapar mar Chik 33:29

Ere joma mor ka un, un jo-Israel ma Ruoth Nyasaye owaro! Ruoth Nyasaye e kuot mogeng’ou, kendo en e liganglau mar duong’. Wasiku mondo obolrenu, kendo unyon hembko maggi gi tiendu.”

Rapar mar Chik 7:14

Unubed joma ogwedhi moloyo ogendini mamoko duto. Ok nobedie bwoch kata lur kuom jou kata kuom jambu.